UzAuto Motors ishlab chiqarilgan avtomobillarni yetkazib berishni 1−2 oyga ko‘chirishni rejalashtirmoqda. Bu haqda kompaniya vakillari seshanba kuni jurnalistlar uchun o‘tkazilgan press-turda ma’lum qildi.
Buning sababi butun dunyoda yarimo‘tkazgichlarning yetishmasligi deyilmoqda. Xabarga ko‘ra, chiplarni yetkazib berishdagi va ta’minot zanjiridagi uzilishlar allaqachon bir qator avtomashina zavodlarining yopilishiga olib keldi, bu esa mikroprotsessorlarni sotib olishni 2020 yil boshida koronavirus tufayli joriy etilgan karantinlar tufayli kamaytirdi.
Ushbu muammo UzAuto Motorsga, xususan, 2021 yilning ikkinchi kvartalidagi ishlab chiqarish rejalariga ham ta’sir ko‘rsatdi.
«GM global tizimi boshqarmasi talablariga yechim topish va bizning xamqorlarimiz, shu jumladan UzAuto Motors’ga ta’sirini kamaytirish uchun yetkazib beruvchilar bilan yaqin hamkorlik qilmoqda. Bizning maqsadimiz har bir ob’ektdagi ishlab chiqarish yo‘qotishlarini iloji boricha qoplashdir», — dedi GM va Strategik bozorlar, alyanslar va distribyutorlar kompaniyasi prezidenti va boshqaruvchi direktori Kristian Sommer. Uning fikricha, vaziyat 2021 yilning ikkinchi yarmida barqarorlashadi.
UzAuto Motors kompaniyasi 3 martdan boshlab Spark, Nexia, Cobalt va Lacetti avtomobillarini xarid qilish uchun shartnoma berish jarayoni qayta tiklaydi. Ularning sotuvi 12 fevralda to‘xtatilgan. Shu bilan birga, yetkazib berish muddatlarini 1−2 oyga ko‘chirish rejalashtirilgan.
Yangi shartnomalardan olingan mablag‘lar avtomobillarning uzluksiz ishlab chiqarilishini ta’minlash uchun xom ashyo sotib olishga sarflanadi.
«Hech qanday zavodni to‘xtatish rejalashtirilmagan. Shu bilan birga, yarimo‘tkazgichlardan tayyorlangan detallar aviatransport orqali yetkaziladi va iloji boricha ishlab chiqarib bo‘lingan mashinalarga o‘rnatiladi», — dedi Asaka avtomobil zavodi rahbariyati.
Avvalroq, «Gazeta.uz» «Chevrolet Onix» mashinasining O‘zbekistondagi narxi 9−12 ming AQSH dollarini tashkil etishi haqida xabar bergan edi.Ushbu model 2022 yilning 4 chorak yakunida lokalizatsiya qilinadi.
