UzAuto Motors ишлаб чиқарилган автомобилларни етказиб беришни 1−2 ойга кўчиришни режалаштирмоқда. Бу ҳақда компания вакиллари сешанба куни журналистлар учун ўтказилган пресс-турда маълум қилди.
Бунинг сабаби бутун дунёда яримўтказгичларнинг етишмаслиги дейилмоқда. Хабарга кўра, чипларни етказиб беришдаги ва таъминот занжиридаги узилишлар аллақачон бир қатор автомашина заводларининг ёпилишига олиб келди, бу эса микропроцессорларни сотиб олишни 2020 йил бошида коронавирус туфайли жорий этилган карантинлар туфайли камайтирди.
Ушбу муаммо UzAuto Motorsга, хусусан, 2021 йилнинг иккинчи кварталидаги ишлаб чиқариш режаларига ҳам таъсир кўрсатди.
«GM глобал тизими бошқармаси талабларига ечим топиш ва бизнинг хамқорларимиз, шу жумладан UzAuto Motors’га таъсирини камайтириш учун етказиб берувчилар билан яқин ҳамкорлик қилмоқда. Бизнинг мақсадимиз ҳар бир объектдаги ишлаб чиқариш йўқотишларини иложи борича қоплашдир», — деди GM ва Стратегик бозорлар, альянслар ва дистрибюторлар компанияси президенти ва бошқарувчи директори Кристиан Соммер. Унинг фикрича, вазият 2021 йилнинг иккинчи ярмида барқарорлашади.
UzAuto Motors компанияси 3 мартдан бошлаб Spark, Nexia, Cobalt ва Lacetti автомобилларини харид қилиш учун шартнома бериш жараёни қайта тиклайди. Уларнинг сотуви 12 февралда тўхтатилган. Шу билан бирга, етказиб бериш муддатларини 1−2 ойга кўчириш режалаштирилган.
Янги шартномалардан олинган маблағлар автомобилларнинг узлуксиз ишлаб чиқарилишини таъминлаш учун хом ашё сотиб олишга сарфланади.
«Ҳеч қандай заводни тўхтатиш режалаштирилмаган. Шу билан бирга, яримўтказгичлардан тайёрланган деталлар авиатранспорт орқали етказилади ва иложи борича ишлаб чиқариб бўлинган машиналарга ўрнатилади», — деди Асака автомобиль заводи раҳбарияти.
Аввалроқ, «Газета.uz» «Chevrolet Onix» машинасининг Ўзбекистондаги нархи 9−12 минг АҚШ долларини ташкил этиши ҳақида хабар берган эди.Ушбу модель 2022 йилнинг 4 чорак якунида локализация қилинади.
