26-mart kuni tunda Toshkentda qutqaruvchilar oyog‘i ariq (lotok) ustidagi temir panjaraga tiqilib qolgan yigitga yordam berdi. Bu haqda Favqulodda vaziyatlar vazirligi xabar qildi.
Voqea soat 01:45 da sodir bo‘lgan. Yigit Toshkent shahar FVB navbatchilik qismiga 1050 qisqa raqamlari orqali murojaat qilgan. Xabarga ko‘ra qutqaruvchilar aytilgan manzilga zudlik bilan yetib kelib, maxsus qutqaruv anjomlari bilan yigitga amaliy yordam ko‘rsatgan.
Eslatib o‘tamiz, shaharda bu tez-tez sodir bo‘lib turadi. Aksariyat hollarda odamlar, ko‘pincha bolalar, qutqaruvchilarning yordami kerak bo‘lmaydi. Ammo ba’zida favqulodda vaziyatlar bo‘limiga qo‘ng‘iroq qilish kerak bo‘ladi.
2022-yil sentabr oyida Toshkent shahrida 11 yoshli bolaning oyog‘i ariq panjarasiga tiqilib qolgan bo‘lsa, o‘sha yilning avgust oyida gulistonlik bola xuddi shunday ahvolga tushib qolgan edi. O‘shanda Favqulodda vaziyatlar vazirligi ota-onalarni farzandlarini qarovsiz qoldirmaslikka chaqirdi.
