Жаҳон
Европа кенгаши ЕИнинг янги етакчилари номзодларини тасдиқлади
ЕИ мамлакатлари лидерлари иттифоқ раҳбарлигига номзодларни маъқуллади. Урсула фон дер Ляйенни Еврокомиссия президенти лавозимида сақлаб қолиш таклиф этилди. Португалия собиқ бош вазири Антониу Кошта Европа кенгаши раҳбари этиб сайланди. Эстония бош вазири Каи Каллас ЕИ дипломатияси раҳбари бўлмоқда.
«Хорижий агентлар» тўғрисидаги қонун сабаб Грузияни ЕИга қабул қилиш жараёни де факто тўхтатилди
Грузиянинг ЕИга кириш жараёни мамлакатда қабул қилинган «хорижий агентлар» тўғрисидаги қонун туфайли амалда тўхтатилди. Европа Иттифоқи етакчилари Грузия ҳукуматини мамлакатнинг иттифоққа киришига таҳдид солаётган ҳаракат йўналишини ўзгартиришга чақирди.
Қирғизистон парламенти электрон сигареталарни олиб кириш ва сотишга тақиқни маъқуллади
Қирғизистон парламенти электрон сигареталарни олиб кириш, сотиш ва фойдаланишни тақиқловчи қонун лойиҳасини маъқуллади. Қонунбузарлик маъмурий ва жиноий жавобгарликка сабаб бўлади.
НАТО Украинага ёрдам миссиясини яратади — NYT
НАТО ҳозирча Украинага аъзоликни таклиф қилмайди, бироқ мамлакатга ҳарбий ёрдам етказиб бериш, украиналик аскарларни тайёрлаш ва икки томонлама хавфсизлик келишувлари реализациясини мувофиқлаштирувчи миссия тузади.
Кузда Қозоғистонда АЭСлар қуриш бўйича референдум ўтказилади
Қозоғистон президенти Қосим-Жомарт Тоқаев 2024 йилнинг кузида мамлакатда атом электр станциясини қуриш бўйича референдум ўтказилишини маълум қилди. Аниқ сана ҳукумат томонидан белгиланади.
Россия Украинадаги урушга Россия фуқаролигига эга 10 мингга яқин муҳожирни юборган
Россия ҳукумати Россия фуқаролигини олган 30 мингдан ортиқ одамни «овлаб», ҳарбий рўйхатга олган ва уларнинг 10 мингга яқини аллақачон Украинадаги урушга жўнатилган, деди Россия Тергов қўмитаси раҳбари Александр Бастрикин.
Қозоғистон собиқ иқтисодиёт вазири Куандик Бишимбаевнинг ҳукми ўзгаришсиз қолдирилди
Остона апелляция суди рафиқаси Салтанат Нукеновани қийноққа солиб ўлдирганликда айбланиб, 24 йилга озодликдан маҳрум этилган Қозоғистон собиқ иқтисодиёт вазири Куандик Бишимбаевга нисбатан чиқарилган ҳукмни ўз кучида қолдирди.
Нидерландия бош вазири Марк Рютте НАТОнинг янги бош котиби бўлади
Нидерландия бош вазири Марк Рютте НАТОнинг янги бош котиби бўлади. Сиёсатчи Европа Иттифоқининг нуфузли етакчиларидан бири саналади. У Украинани фаол қўллаб-қувватлайди, АҚШнинг собиқ президенти Дональд Трамп билан тил топиша олади ва низолардан қоча олиш қобилияти учун «Тефлон Марк» лақабини олган.
Қирғизистон ва ЕИ кенгайтирилган шериклик ва ҳамкорлик тўғрисидаги битимни имзолади
Қирғизистон ва Европа Иттифоқи кенгайтирилган шериклик ва ҳамкорлик тўғрисидаги битимни имзолади. Бу, томонлар таъкидлаганидек, ҳамкорликни кенгайтириш учун «янги ҳуқуқий асос» бўлади.
ЕИ Украина ва Молдова билан аъзолик бўйича музокараларни бошлади
Европа Иттифоқи Украина ва Молдованинг иттифоққа қўшилиши бўйича расмий музокараларни бошлади. «Олдиндаги йўл осон бўлмайди. Аммо у улкан имкониятларга ҳам тўла», — деди Еврокомиссия раҳбари Урсула фон дер Ляйен.
Халқаро жиноий суд Сергей Шойгу ва Валерий Герасимовни ҳибсга олишга ордер берди
Гаагадаги Халқаро жиноий суд Россия Бош штаб бошлиғи Валерий Герасимов ва мамлакат собиқ мудофаа вазири Сергей Шойгуни ҳибсга олишга ордер берди. Улар ҳарбий ва инсониятга қарши жиноятларда гумонланмоқда. Ордер учун Украинадаги фуқаролик объектларига берилган зарбалар асос бўлган.
WikiLeaks асосчиси Жулиан Ассанж Британия қамоқхонасидан озод этилди
WikiLeaks асосчиси Жулиан Ассанж сўнгги 5 йилини ўтказган Британия қамоқхонасидан гаров эвазига озод қилинди. АҚШ расмийлари билан келишув доирасида у жосуслик айбловларидан бири бўйича айбини тан олди. Бунинг эвазига у Британиядаги қамоқда ўтаган вақтга тенг муддатга қамалади ва озод қилинади.
Нетаньяху: ҲАМАС билан шиддатли жанглар ниҳоясига етмоқда, аммо уруш давом этади
Исроил бош вазири Биньямин Нетаньяху ҲАМАС билан Ғазодаги шиддатли жанглар якунланаётганини айтди, бироқ гуруҳ йўқ қилинмагунча урушни давом эттиришга ваъда берди. Исроил қўшинларининг бир қисмини «Ҳизбуллоҳ» билан тез-тез жанглар содир бўлаётган Ливан билан чегарага юборишни режалаштирмоқда.
Жанубий Кореяда заводдаги ёнғин оқибатида 20 дан ортиқ киши ҳалок бўлди
Жанубий Кореянинг Хвасон шаҳридаги литий батареялар ишлаб чиқарувчи заводда содир бўлган ёнғин оқибатида 22 киши, асосан, хорижликлар ҳалок бўлди.
Саудия Арабистонида Ҳаж вақтида 1300 дан ортиқ зиёратчи вафот этди
Саудия Арабистони расмийларининг маълум қилишича, бу йил Ҳаж вақтида 1301 киши вафот этди. Уларнинг аксарияти рўйхатдан ўтмаган зиёратчилар бўлиб, жазирамада узоқ вақт қолиб кетган.
Черногория, Босния, Хорватия ва Албанияда кенг масштабдаги блэкаут юз берди
Черногория, Босния, Албания ҳамда Хорватиянинг Адриатика денгизи қирғоқларидаги катта қисмида кенг масштабли блэкаут юз берди. ОАВ тўрт мамлакатнинг барча қисмларида электр узилишлари ҳақида ёзмоқда.
Арманистон Фаластинни мустақил давлат сифатида тан олди
Арманистон Фаластинни давлат сифатида тан олганини эълон қилди. Мамлакат ташқи ишлар вазирлиги «икки давлат» тамойилини Исроил-Фаластин можаросини ҳал қилишнинг ягона йўли деб атади.
Саудия Арабистонида Ҳаж зиёрати чоғида ҳалок бўлганлар сони 1000 нафардан ошди — France-Presse
Саудия Арабистонида ҳаж вақти жазирама иссиқда ҳалок бўлганлар сони 1000 нафардан ошди, уларнинг ярмидан кўпи рўйхатдан ўтмаган зиёратчилардир, дея хабар бермоқда France-Presse (AFP) агентлиги.
Евроиттифоқ Россияга қарши 14-санкция пакети бўйича келишиб олди
Европа Иттифоқи Россияга қарши 14-санкция пакети юзасидан келишиб олди. Янги чекловлар Россия энергетика секторига таъсир қилади ҳамда учинчи мамлакатлар, жумладан, Хитой, Туркия ва Ҳиндистондаги ўнлаб компаниялар билан савдони чеклайди.
АҚШдаги юз минглаб ҳужжатсиз иммигрантлар мамлакат фуқаролигига қабул қилиниши кутилмоқда
АҚШ фуқаролари билан оила қурган ҳамда мамлакатда камида 10 йил яшаган ноқонуний иммигрантлар мамлакат фуқаролигини олиш учун ариза топшириши мумкин. Янги дастур 500 мингдан ортиқ кишини қамраб олиши кутилмоқда.
Энг кўп ўқилган хабарлар | Сўнгги янгиликлар
- «Демократия ҳар қандай унвондан муҳимроқ». Байден сайловдан нега воз кечганини изоҳлади
- КХДР Жанубий Кореяга чиқинди шарларини учиришда давом этмоқда, улардан бири президент қароргоҳига тушди
- АҚШ Махфий хизмати раҳбари Трампга суиқасддан сўнг истеъфога чиқди
- «Исроил тўлиқ ғалабагача курашади». Нетаньяҳу АҚШ Конгрессида нутқ сўзлади
Қўшимча имкониятларга эга булиш учун сайтда рўйхатдан ўтинг