Тошкентнинг Миробод туманида Ўзбекистонда биринчи автоматлаштирилган санитар-гигиеник шохобча ишга туширилди. Унга киришдан аввал нақд пул ёки QR код орқали тўлов қилинади. Фойдаланиш жараёнида барча қурилмалар инсон омилисиз бошқарилади. Шохобча 24/7 режимида фаолият юритади.
ПМТИ таҳлилига кўра, Ўзбекистонда аҳолининг 41 фоизи чуқур кавлама кўринишидаги ҳожатхоналардан фойдаланади. Экспертлар санитарияга зид бундай ҳожатхоналарни вентиляция қилинадиган ва плиталар билан қопланган ҳолга келтиришни тавсия этди. Бунда ташвиқот эмас, молиявий ёрдам самара бериши билдирилди.
2022−2023 йилларда Ўзбекистондаги барча сайёҳлик объектлари, аэропортлар, вокзаллар ва автостанцияларда «санитария инқилоби» ни амалга ошириш, уларни замонавий ҳожатхоналар билан таъминлаш режалаштирилмоқда. Махсус ишчи гуруҳ сентябргача ушбу объектларда ўрганишлар олиб боради.
Тошкент метрополитени тажриба тариқасида «Чилонзор» метро бекатида ҳожатхона қуришни бошлади, агар бу ўзини оқласа, бошқа бекатларда ҳам тадбиқ этилади. Шунингдек, бекатларда йўл кўрсаткичларини замонавий дизайн асосида босқичма-босқич алмаштириш режалаштирилгани маълум қилинди.
1 сентябрдан ҳожатхоналар билан таъминланмаган АЁҚШларга нефть маҳсулотлари ва газ етказиб бериш тўхтатилиши, улар лицензияси бекор қилиниши мумкин. Улар ушбу талабни 1 мартга қадар бажаришлари керак эди, бироқ муддат узайтирилди.
Қўшимча имкониятларга эга булиш учун сайтда рўйхатдан ўтинг