Гулнора Каримованинг Британиядаги мол-мулклари рўйхати эълон қилинди
Буюк Британиянинг Йирик фирибгарликларга қарши курашиш бошқармаси Гулнора Каримова билан боғлиқ деб тахмин қилинаётган мол-мулклар рўйхатини эълон қилди. У учта кўчмас мулк ва 10 миллион фунт стерлингдан ортиқ пулни ўз ичига олади.
Пенсия ёши босқичма-босқич ўзгариши кутилмоқда
Давлат пенсия таъминоти солидар тизимга асосланади, аммо охирги пайтда у ўзини оқламаяпти. Шу туфайли тизимда янгиликлар жорий этилади. Шунингдек, пенсия ёши ҳам ўзгариши кутилмоқда.
Темир йўл ва авиахизматлар рақобатбардош эмас — президент
Президент Шавкат Мирзиёев самолёт ва поездларда хизматлар сифатининг пастлиги ва чипталар нархи қиммат эканлигини танқид қилди.
ИИБ ходимлари қотилликни яшириш учун гувоҳларнинг оғзини ёпишга уринган — ОАВ
Икки гувоҳ Чироқчи туман ИИБга олиб борилган эркакнинг калтаклангани (бунинг оқибатида у вафот этди) ҳақида Daryo нашрига сўзлаб берди. Уларнинг ўзлари ҳам калтакланган, ИИБ ходимлари эса ишни «ёпти-ёпти» қилишга уринган.
Хитой Ухандаги чет элликларни эвакуация қилишни режалаштираётгани йўқ
Хитой ҳукумати Ухандаги чет эл фуқароларини эвакуация қилиш масаласини кўриб чиқаётгани йўқ. Шу билан бирга, Хитой чет эл фуқароларининг хавфсизлигини таъминлаш бўйича барча мажбуриятларни бажаришини маълум қилди.
Андижондаги бозорда 350 дан ортиқ пичоқнинг учи тўмтоқлаштирилди
Андижондаги «Жаҳон буюм бозори» ҳудудида «Тиғ» профилактик тадбирлари доирасида 350 дан ортиқ пичоқнинг учи тўмтоқлаштирилди. Бу каби чоралар «Эски шаҳар деҳқон бозори» ҳудудида ҳам олиб борилмоқда.
Косонда 800 доллар пора олаётган мактаб директори қўлга тушди
Косонда мактаб директори қалбаки диплом тайёрлаб бериш ва мактабга ишга жойлаштириш учун 800 доллар пора олаётганда ушланди.
Манзил-колониялардаги 68 нафар маҳкумга пенсия тайинланган
Қонунчиликдаги янгиликка биноан, манзил-колонияларда жазо муддатини ўтаётган 68 нафар маҳкумга пенсия тайинланган. Аммо шу тоифа маҳкумларнинг 300дан ортиғи давлат пенсиясини олиш ёшига етган. Пенсия жамғармаси ижро этувчи аппарати бўлим бошлиғи Шуҳрат Утаганов ушбу масалага ойдинлик киритди.
Боласини сотмоқчи бўлган она қўлга олинди
Андижонда саккиз ойлик қизини 5000 долларга сотмоқчи бўлган ёш она қўлга олинди.
Хитойда коронавирус қурбонлари сони 106 кишига етди
Хитойда янги турдаги коронавирус туфайли келиб чиққан пневмониядан вафот этганлар сони 106 кишига етди. Касалланганлар сони эса 4,5 мингдан ошди.
Пахта ҳосили вақтида мажбурий меҳнатга йўл қўйган мансабдорлар рўйхати эълон қилинди
Пахта йиғим-теримида мажбурий меҳнатга йўл қўйган ва жаримага тортилган мансабдорлар рўйхати эълон қилинди.
Зойир Мирзаев — Ислом Каримов ва Шавкат Мирзиёев ҳақида
Қашқадарё вилояти ҳокими Зойир Мирзаев Ўзбекистоннинг икки президенти — Ислом Каримов ва Шавкат Мирзиёевнинг сифатлари ва сиёсатини таққослади.
Алишер Мирзаев «Капиталбанк» раҳбари бўлди
Hamkorbank раҳбарининг собиқ ўринбосари Алишер Мирзаев «Капиталбанк» бошқаруви раиси этиб тайинланди.
Уй можароси туфайли ўзига ўт қўйган фуқаро вафот этди
Андижонда уй-жой можароси туфайли ўзига ўт қўйган Х. Ғойибназаров вафот этди. Прокуратура Жиноят кодексининг 103-моддаси 1-қисми («Ўзини ўзи ўлдириш даражасига етказиш») билан жиноят иши қўзғатди.
Германиялик мутахассислар ҳайвонот боғи реконструкцияси лойиҳасига жалб қилинади
Тошкент ҳайвонот боғини реконструкция қилиш лойиҳаси Германиянинг dan pearlman Group компанияси томонидан ишлаб чиқилади. Ҳайвонларни сақлаш шароитлари халқаро стандартларга мувофиқлаштирилиб, аттракционлар жойлашуви қайта кўриб чиқилади.
Human агентлиги раҳбарига суд ҳукми ўқилди
Human хусусий бандлик агентлиги Шоҳинур Файзуллаевга 10 йил қамоқ жазоси тайинланди. Шунингдек, 1080 нафардан ортиқ жабрланувчилар фойдасига 21 миллиард 192 минг сўмдан зиёд миқдорда моддий зарарни қоплаб бериши керак.
Cotton Campaign Ўзбекистонга ташриф буюрмоқда
Миллий пахта маҳсулотларини жаҳонга машҳур текстил ва тайёр кийим ишлаб чиқарувчи компаниялар томонидан бойкот қилиниши ташаббускори — Cotton Campaign халқаро коалицияси Ўзбекистонга келмоқда. Улар амалга оширилган ишларни текширмоқчи.
Аҳоли ва ишбилармонларнинг инфляцион кутилмалари 18 фоизни ташкил этди — МБ
Аҳоли ва ишбилармонларнинг келгуси 12 ой учун инфляцион кутилмалари 18 фоизни ташкил этди. Марказий банк эса 2020 йил учун инфляцион прогнозни 12−13,5 фоиз даражасида сақлаб қолди.
Германиянинг DEG корпорацияси «Кафолат» акцияларини сотиб олмоқчи
Германиянинг DEG (Deutsche Investitions und Entwicklungsgesellschaft) инвестиция корпорацияси «Кафолат» суғурта компаниясидаги давлат улушини сотиб олишга қизиқиш билдирмоқда. Корпорация суғурта бозоридаги етакчи компаниялар ривожига ҳисса қўшади.
Андижонда ёшлар 10 кун муддатга ҳоким ва унинг ўринбосарлари лавозимига тайинланмоқда
«Андижонда ёшлар ўн кунлиги» лойиҳаси доирасида вилоятдаги барча ҳокимлик раҳбар лавозимлари ёшларга топширилмоқда. Улар 10 кун муддат Андижон вилоятини ҳоким Шуҳрат Абдураҳмонов билан бирга бошқаради.
Қўшимча имкониятларга эга булиш учун сайтда рўйхатдан ўтинг