UzAuto Motors Damas, Labo, Cobalt ва Captiva 5 автомобиллари учун шартнома тузиш очилганини эълон қилди.

Қайд этилишича, UzAuto Motors ўз ишлаб чиқариш қувватларини кенгайтириш борасида амалга оширган саъй-ҳаракатлари натижасида, ойига 40 000 донадан ортиқ автомобиль ишлаб чиқариш бўйича рекорд кўрсаткичга эришган. «Бу ўз навбатида, кутиш вақтини сезиларли даражада қисқартирди», — дейилади хабарда.

Харидорар қуйидаги автомобиллар учун 3 ноябрдан шартнома тузиши мумкин:

"Газета.uz"да реклама

• Damas ва Labo;

• Cobalt;

• Onix;

• Tracker;

• Captiva 5;

• Malibu;

• Equinox;

• Traverse;

• Tahoe.

Улар қуйидаги муддатда етказиб берилади:

uzauto motors

Шартнома олишда қуйидаги онлайн-сервис хизматлардан фойдаланиш мумкин:

  • UzAutoSavdo (iOS/Android) мобил иоваси билан;

«Янги автомобилингиз сиз кутганингизданда тезроқ сиз билан бирга бўлиши учун бугуноқ Chevrolet расмий дилерлик марказларига ташриф буюринг ва шартнома тузинг», — дейилади хабарда.

Аввалроқ, компания сайтидаги маълумотларга кўра, сотувда мавжуд бўлмаган Lacetti, Damas, Labo ва Cobalt моделлари нархлари қимматлашганди. Бироқ компания бу ҳақида расмий маълумот бермаган.

Комплектацияларнинг нархлари қуйидагича оширилган:

  • Lacetti L-Style Plus AT — 160 млн 868 минг сўмдан 169 млн 118 минг сўмга;
  • Damas D2 DLX Style Plus — 92 млн 204 минг сўмдан 96 млн 932 минг сўмга;
  • Labo LB2 Plus: 91 млн 669 минг сўмдан 96 млн 370 минг сўмга;
  • Cobalt GS-Style Plus MT — 113 млн 711 минг сўмдан 119 млн 542 минг сўмга;
  • Cobalt GX-Style Plus AT — 134 млн 294 минг сўмдан 141 млн 181 минг сўмга.

Аввалроқ компания келаси йилгача оммабоп автомобиллар учун янги шартномалар тузмаслиги ва нархлар яна ошиши кутилаётгани ҳақидаги хабарларни рад этганди.

Эслатиб ўтамиз, 4 август куни соат 17:30 да компания автомобиллар учун шартномалар чиқариш қайта тиклангани ва янги конфигурациялар жорий этилганини, 5 август куни соат 15:57 да эса 2023 йил учун қўшимча партияга тўлиқ шартнома тузилганини маълум қилганди.

Кейинроқ 18 сентябрда ҳам UzAuto Motors расмий сайтида кўрсатилган комплектация ва ранглардаги Chevrolet Cobalt, Lacetti, Damas вa Labo автомобиллари учун контрактация очилди ва орадан 3 соат ўтиб, компания автомобилларининг қўшимча партияси учун тўлиқ шартнома тузилгани, 28 000 дан ортиқ шартнома имзоланганини хабар қилди.

Орадан вақт ўтиб, UzAuto Motors йил охиригача 50 мингдан ортиқ автомобиль эгаларига топширилишини маълум қилганди. 2024 йилдан эса автомобиллар шартнома тузилган кундан бошлаб уч ой ичида етказиб берилиши ваъда қилган.