UzAuto Motors Chevrolet Captiva 5 автомобили нархларини эълон қилди. Компания хабар беришича, автомобиль LT1 , LT 2, ва Premier комплектацияларида тақдим этилади.
Chevrolet Captiva нархлари:
- LT1 (5 ўриндиқли): 299 900 000 сўм;
- LT2 (7 ўриндиқли): 319 900 000 сўм;
- Premier (7 ўриндиқли): 349 900 000 сўм.
Нархлар ҚҚСни ҳисобга олган ҳолда кўрсатилган.
UzAuto Motors компанияси Chevrolet Captiva 5 кроссовери сотувини қайта йўлга қўйишни режалаштираётгани ҳақида хабар бергандик.
Captiva модели Ўзбекистон бозорига 2007 йилда кирган. Ўша йилнинг октябрь ойида мамлакатда автомобилни йиғиш бошланди. 2011 йил сентябрь ва 2017 йил февраль ойларида модель янгиланди. 2018 йил cентябрь ойида GM моделлар сафини янгилаш глобал стратегиясининг бир қисми сифатида ишлаб чиқариш тўхтатилиши эълон қилинди.
2021 йил cентябрь ойида UzAuto Motors янги 2022 йилги Chevrolet Captiva кроссоверининг тўртта комплектацияда сотилишини эълон қилди. Ўшанда нархлар 192,7 миллион сўмдан бошланганди. Бироқ, ўша йилнинг ноябрь ойида компания савдони тўхтатди. Сабаб сифатида модель Ўзбекистон иқлимига мос эмаслиги айтилганди.
