10 сентябрдан GM Uzbekistan Captiva русумли автомобилларни етказиб беришга шартнома олишга аризаларни рўйхатга олишни тўхтатади, дея хабар қилди компания матбуот хизмати.
Қарор General Motors корпорациясининг моделлар сафини янгилаш бўйича глобал стратегиясига мувофиқ қабул қилинди.
«GM Uzbekistan» АЖ диллерлик корхоналари билан биргаликда «Chevrolet Captiva» русумидаги автомобилларга тузилган шартномалар учун истеъмолчилар олдида ўзининг мажбуриятларини йил охиригача тўлиқ етказиб берилишини таъминлайди", — дейилади хабарда.
Captiva модели Ўзбекистон бозорига 2007 йилда кириб келган. Илк бор Captiva автомобилини Ўзбекистонда йирик тармоқли йиғиш 2007 йилнинг октябрь ойидан бошланган. 2011 йилнинг сентябрь ва 2017 йилнинг февраль ойларида автомобилнинг янгиланган модели чиқарилган.
Июнда «Ўзавтосаноат» собиқ бошқаруви раиси Умиджон Салимов (ҳозирда — раис ўринбосари — таҳр.) Captiva кроссовери йил сўнгига қадар ишлаб чиқаришдан олинишини маълум қилган эди. Шунингдек, аввалроқ 2018 йилда унинг ўрнига Tracker йўлтанламасини серияли ишлаб чиқариш бошланиши ҳақида хабар берилди.
