Франциянинг Париж шаҳрида ўтаётган таэквондо WT бўйича Гран-при мусобақасида -68 кг вазн тоифасида баҳс олиб борган Улуғбек Рашитов олтин медални қўлга киритди. Бу ҳақда Ўзбекистон миллий олимпия қўмитаси хабар берди.
У финал жангида бразилиялик Эдивак Понтес устидан ғалаба қозониб, шоҳсупанинг энг юқори поғонасига кўтарилди.
Бундан олдинги баҳсда спортчи габонлик Амар Мусса устидан зафар қучганди.
Рашитов финалдаги ғалабаси билан кетма-кет икки бор Гран-при турнирида ғалаба қозонган илк ўзбек таэквондочисига айланди. 2023 йилнинг июнь ойида Римда мусобақада ҳам Улуғбек Рашитов олтин медални қўлга киритганди.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Париждаги мусобақа бугун, 3 сентябрь куни ниҳоясига етади. Унда ўзбекистонлик 2 спортчи даянга чиқади:
- +67 кг: Светлана Осипова — Елизавета Степанова (халқаро нейтрал спортчи);
- +80 кг: Никита Рафалович — Омар Ал Язиди (Франция).
