Uzbekistan Airports компанияси Тошкент аэропортига яна учта янги такси операторини жалб этиш режасини маълум қилди.
E-auksion.uz майдончасига такси турар жойларини ижарага олиш учун учта лот қўйилган — халқаро аэропортнинг умумий зали, CIP-зал ҳамда маҳаллий авиақатновлар терминалининг қабул қилиш залида.
Савдолар 17 август куни бўлиб ўтади. Номзод компаниялар уч йилдан ортиқ бўлмаган, бензинда ёки электрда ишлайдиган автомобиллари паркига эга бўлишлари керак. Компания штатига расман ўзбек, рус ва инглиз тилларини бошланғич билимга эга малакали ҳайдовчилар ишга олиниши керак.
Автомобиллар машҳур брендларга тегишли бўлиши, ҳайдовчилар эса ягона формада бўлишлари керак. Компания йўловчиларни барча тўлов шакллари — нақд пул ва маҳаллий ва хорижий тўлов тизимларининг банк карталари билан таъминлаши керак бўлади.
Ўтган йилнинг кузидан буён халқаро терминалнинг қабул қилиш залига яқин масофада аэропортнинг ягона такси хизмати — Taxi Airport Tashkent автомобилларигина жойлаштирилмоқда. Бошқа таксилар йўловчиларни тўхташ жойидан ёки йўлдан олиб кетиши мумкин.
Июль ойи охирида Рақобатни ривожлантириш ва истеъмолчилар ҳуқуқларини ҳимоя қилиш қўмитаси аэропортда қатъий тариф бўйича ишлаётган ягона такси хизматининг мавжудлиги қонунчиликка зид экани, бошқа ташувчиларнинг киришига «сунъий тўсиқлар қўйилгани»ни маълум қилди. Баёнотда, шунингдек, халқаро аэропортдаги автотураргоҳларнинг қимматлиги ҳақида ҳам сўз боради.
Бунга жавобан Uzbekistan Airports қатъий хавфсизлик ва сифат талабларига жавоб берадиган ягона такси хизматини ташкил этиш аэропортни тартибга келтиришнинг ягона йўли эканини билдирди. Компания Рақобатни ривожлантириш қўмитасининг буйруғини бекор қилишга эришиш, шунингдек, такси хизматларини кўрсатувчи янги компанияларни жалб қилиш ниятида эканини айтди.
