27 июль куни Telegram`даги «КоДну» каналида ойналари ва эшиги синган янги Yutong автобуси сурати эълон қилинди.
«Тошшаҳартрансхизмат» ўз изоҳида 26 июль куни кечга яқин Истироҳат кўчаси бўйлаб ҳаракатланаётган 147-йўналишдаги автобус «ЗИЛ» ҳайдовчиси уни ўнг томондан қувиб ўтмоқчи бўлганида шикастланганини маълум қилди.
Юк машинаси ҳайдовчиси ўз айбига иқрор бўлиб, етказилган зарарни қоплашга рози бўлди, шу муносабат билан воқеа жойида гувоҳлар иштирокида далолатнома (Европротокол) қайд этилди.
Ҳодиса оқибатида жабрланганлар йўқ. Компания автобус яқин вақт ичида йўналишга қайтишини билдирди.
26 июль куни Yutong автобусининг енгил автомобиль билан тўқнашиб кетгани сурати ҳам пайдо бўлди.
