Гимнастика бўйича Ўзбекистон терма жамоаси аъзоси Оксана Чусовитина Сингапурда ўтказилган Осиё чемпионатида кумуш медални қўлга киритди, деб хабар бермоқда Ўзбекистон гимнастика федерацияси матбуот хизмати.
Спортчи жанубий кореялик Ео Сожонгга ютқазиб, таяниб сакраш дастурида биринчиликни бой берди. Учинчи ўрин филиппинлик Алеа Финнеганга насиб этди.
Абдулазиз Мирвалиев ҳам таяниб сакраш йўналишида 14,083 балл билан терма жамоа ҳисобига кумуш медал келтирди. Биринчи ўринни филиппинлик спортчи Карлос Юло — 14,299 балл, учинчи ўринни Жанубий Корея спортчиси Жаехо Ким — 13,766 балл билан эгаллади.
