Туркиядаги зилзила қурбонлари сони 9057 нафарга етди
Туркиядаги зилзила қурбонлари сони 9057 нафарга етди, деди президент Режеп Таййип Эрдоған Хатай вилоятида қилган чиқишида.
«Айни дамда қурбонлар сони 9057 нафарни, ярадорлар сони 52979 нафарни ташкил этмоқда», — деди у.
Чоршанба куни тушдан кейин давлат раҳбари жабр кўрган вилоятларда 6444 та бино вайрон бўлганини айтди.
Эрдоған 60 дан ортиқ давлатдан ёрдам келганини эълон қилди
Туркия зилзила оқибатларини бартараф этиш учун 60 дан ортиқ давлатдан ёрдам ва кўмак олди, деди президент Режеп Таййип Эрдоған.
«Хусусан, 60 дан ортиқ давлатдан кўплаб кўмак ва ёрдамлар келмоқда. Озарбайжон, Исроил, Саудия Арабистони, Қатар, Қувайт бошчилигида ўз ёрдамини кўрсатмоқда. Доимий телефон орқали кўмак мавжуд. Улар ўз моддий ва бошқа зарур ёрдамларини жўнатишмоқда», — деди у.
Европа Иттифоқи Туркия ва Сурияга зилзиладан кейин 6,5 млн евро ёрдам беради
Европа Иттифоқи Туркия ва Сурияга зилзилалардан кейин 6,5 млн евро миқдорида фавқулодда ёрдам кўрсатиш ниятида, дейиладиЕвропа Комиссияси (ЭС) баёнотида.
«Ушбу ҳафта бошида Туркия ва Сурияда содир бўлган бир неча зилзиладан сўнг Европа Иттифоқи ҳар икки давлатга Европа Иттифоқининг фуқаролик муҳофазаси механизми орқали қўшимча фавқулодда ёрдам, шунингдек, 6,5 млн евролик фавқулодда гуманитар ёрдам кўрсатади», — дейилади баёнотда.
Релизга кўра, Сурияга фавқулодда гуманитар ёрдам кўринишида «дастлабки» 3,5 млн евро ажратилади, бу ёрдамга муҳтож одамларга, жумладан, бошпана, сув, гигиена, қидирув-қутқарув ишларини қўллаб-қувватлашга ёрдам беради.
Искендерун портида ёнғин ўчирилди
Туркия жануби-шарқидаги Искендерун портидаги ёнғин тўлиқ ўчирилди, деди Истанбул ҳокими Экрем Имомоғлу.
«Искендерун портидаги ёнғин тўлиқ ўчирилди, мутахассисларимиз порт ҳудудини совутишда давом этмоқда», — деб ёзди шаҳар ҳокими ўзининг Телеграм-каналида. Операцияда Туркиянинг турли шаҳарларидан келган ўт ўчирувчилар, Туркия Мудофаа ва Қишлоқ хўжалиги вазирликларининг авиация ходимлари ҳамда бошқа мутахассислар иштирок этмоқда.
Порт ҳудудидаги ёнғин душанба куни кечқурун зилзила пайтида ағдарилган контейнерларда юзага келган эди. Ҳозирда порт ишламаяпти, зилзила пайтида унинг инфратузилмаси бузилган. Туркия Миллий Мудофаа вазирлиги сешанба куни ёнғинга қарши вертолёт ва самолётлар ёрдамида ҳали ҳам кураш олиб борилаётганини маълум қилди.
Францияда пенсия ислоҳотига қарши янги умуммиллий норозилик намойиши ўтказилади
Франциянинг саккиз етакчи касаба уюшмаси 16 февраль, пайшанба куни пенсия ислоҳотига қарши навбатдаги умуммиллий норозилик намойишининг янги санасини келишиб олди, деб хабар берди чоршанба куни РМСрадиостанцияси.
«7 февралдаги намойишнинг учинчи кунидан сўнг, 16 февраль, пайшанба куни касблараро намойишнинг янги санаси келишиб олинди», — дейилади ОАВ касаба уюшма манбаларига таяниб.
Пенсия ислоҳотига қарши сафарбарликнинг учинчи кунидаги иштирокчилар сони аввалги норозилик намойишларида йиғилганлар сонидан сезиларли даражада кам эди. Шундай қилиб, мамлакат Ички ишлар вазирлиги маълумотларига кўра, сешанба куни бутун Франция бўйлаб пенсия ёшини оширишга қарши намойишларда 757 мингга яқин киши қатнашган, улардан 57 минг нафари Парижда бўлган.
Россияда бино қулаши оқибатида тўрт киши ҳалок бўлди
Тула вилоятининг Ефремов шаҳрида беш қаватли турар-жой биносининг қулаши оқибатида тўрт киши ҳалок бўлди. Бу ҳақда сешанба куни Россия Фавқулодда вазиятлар вазирлиги матбуот хизмати хабар берди.
«Айни дамда етти киши қутқариб олинди, дастлабки маълумотларга кўра, вайроналар остида яна бир киши қолмоқда. Афсуски, уч киши жароҳат олди, тўрт киши ҳалок бўлди», — дейилади матбуот хизмати хабарида. ФВВ хабарига кўра, турар-жой биноси қулагани ҳақида соат 16:46 да хабар келиб тушган. Воқеа жойига етиб келган қутқарувчилар газлаштирилган беш қаватли турар-жой биносининг бир кириш қисми қулаб тушганини аниқлади.
Қутқарувчилар вайроналарни тозалаш ва қидирув ишларини олиб боришга киришган. Жами 12 та техника ва 42 киши жалб этилган. «Қўшимча куч ва воситалар воқеа жойига йўл олди. Россия Фавқулодда вазиятлар вазирлигининг Тула қутқарув маркази аэромобил гуруҳи жўнаб кетишга тайёр», — дея қўшимча қилди департамент.
Қайд этилишича, турар-жой биносида содир бўлган портлашга газ ускунасининг носозлиги сабаб бўлган.
Покистон шимоли-ғарбидаги ҳарбий амалиёт чоғида 12 нафар террорчи йўқ қилинди
Покистон армиясининг мамлакат шимоли-ғарбидаги Хайбер-Пахтунхва вилоятига уюштирган қуролли ҳужуми чоғида 12 нафар террорчи йўқ қилинди. Бу ҳақда Синьхуа Покистон идоралараро жамоатчилик билан алоқалар хизмати (ISPR) чоршанба куни эълон қилинган баёнотга таяниб хабар қилди.
Баёнотга кўра, амалиёт чоғида хавфсизлик кучлари разведка маълумотлари бўйича ҳаракат қилиб, Покистоннинг «Теҳрик-э-Толибон» гуруҳига алоқадор террорчилар машинасига ҳужум қилган.
«Охирги ҳафтада террорчиларнинг ҳаракати ва фаолияти разведка идоралари томонидан кузатилган. Террорчилар қочиш машинасини тақдим этиш орқали алданган, улар ушланиб, зарарсизлантирилди», — дейилади ISPR баёнотида.
Баёнотда айтилишича, операция давомида террорчилардан қурол-яроғ, ўқ-дорилар ва чет эл валюталари ҳам мусодара қилинган.
ISPR маълумотларига кўра, хавфсизлик кучлари ҳудудда миналардан тозалаш ишларини олиб бормоқда.
Афғонистоннинг Маймана шаҳрида мототциклдаги бомба портлади, ҳеч ким ҳалок бўлмади
Чоршанба куни Афғонистон шимолидаги Фарёб вилояти маркази Маймана шаҳрида мототциклда портлаш содир бўлди. Ўликлар йўқ. Бу ҳақда маҳаллий амалдор маълум қилди.
Унинг сўзларига кўра, террорчилар мототцикл бўшлиғига портловчи мослама ўрнатган. Портлаш маҳаллий вақт билан соат 13:00 атрофида Имом Абу Ҳанифа номидаги масжид олдида содир бўлган.
Гувоҳларнинг айтишича, портлаш оқибатида олти киши, жумладан, уч нафар хавфсизлик ходими яраланган.
Воқеа юзасидан тергов бошланган. Ҳозирча ҳеч ким ҳужум учун жавобгарликни ўз зиммасига олмади.
Япониядаги Сакуражима вулқони отилди
Японияда Сакуражима вулқони отилди. Бу ҳақда 8 февраль куни мамлакат метеорология агентлиги хабар берди.
Сакуражима атрофидаги ҳудуд ҳозирда вулқон хавфининг учинчи даражасида.
Сакуражима Япониядаги энг фаоллардан биридир. Сўнгги ўн йил ичида ушбу вулқоннинг мингдан ортиқ марта турли даражада отилиши қайд этилган. Охирги йирик портлаш ўтган йилнинг июль ойида содир бўлган.
