Comedy Wildlife Photography Awards танлови учун 2022 йилда дунёнинг 85 давлатидан 5 мингдан ортиқ аризалар келиб тушган. Финал босқичи учун 43 та сурат саралаб олинди. Америкалик фотограф Женнифер Хедлининг «Not so cat-like reflexes» («Мушукларга унчалик ҳам ҳос бўлмаган ҳаракат») сарлавҳаси остидаги дарахтдан қулаётган шер боласи акс этган сурати ғолиб деб топилди. Томошабинлар томонидан танлов асосида тақдим этиладиган мукофот эса «ҳафалашган» пингвинларнинг сурати учун берилди.
Қуйида ушбу танловнинг финал босқичига чиққан энг қувноқ суратларни кўришингиз мумкин.
Фото: Jennifer Hadley / Not so cat-like reflexes
«Бу 3 ойлик шер боласи акаси ва синглиси билан дарахтда эди. Қолган шерлар бошқа дарахтларда ёки ерда эди. У пастга тушмоқчи бўлди ва керакли жойни қидириб шохлар орасидан юришга ҳаракат қилди ва ниҳоят буни „уддалади“. Эҳтимол, бу унинг дарахтга биринчи марта тушиши бўлгандир. Унга ҳеч нарса бўлмади, ҳаммаси яхши. Ўрнидан туриб, бошқа болалар билан югуриб кетди», — дея суратни таърифлайди муаллиф.
Фото: Jean Jacques Alcalay / Misleading African viewpoints 2
Бегемот бошқа бегемотнинг орқа томонида турган қуш ёнида эснамоқда.
Фото: Arturo Telle Thiemann / Say cheeeese
«Камерага қараб, Азор оролларида суратга олинган бир жуфт балиқ. Бу балиқлар жуда тажовузкор бўлишса-да, ҳаттоки улар ҳам кулгили кўриниши мумкин», — деб ёзади муаллиф.
Фото: Jennifer Hadley / Talk To The Fin!
«Бу Фолкленд оролларида суратга олинган. Бу икки гентоо пингвинлари соҳилда тобланишаётган эди, улардан бири ўзини силкитиб, жуфтини ҳафа қилиб қўйди», — деб ёзган фотограф Женнифер Хедли.
Бу Женнифер Хедлининг финал босқичи учун сараланган иккинчи сурати эди. Унга мукофотни қўлга киритгани учун The Comedy Wildlife Photography Awards томонидан Кения қўриқхонасида бир ҳафталик сафари-тур тақдим этилди.
Фото: Arshdeep Singh / «I CU boy!»
Фото: Michael Eastwell / «It’s all kicking off!»
Фото: Miroslav Srb. / «Hello everyone»
Фото: Federica Vinci / Monkey Wellness Centre
Фото: Emmanuel Do Linh San / I’m gonna strangle you!
Фото: Alex Pansier / Jumping Jack
Фото: Mark Schocken / Tight Fit!
Фото: John Chaney / Fight Back
Маълумот учун, Comedy Wildlife Photography Awards йиллик мукофоти илк бор 2015 йилда топширилган.
Эслатиб ўтамиз, аввалроқ Wildlife Photographer of the Year 2022 фототанлови ғолиблари аниқлангани ҳақида хабар берган эдик.
