Давлат активларини бошқариш агентлигида биносида қуввати 200 кВт/с бўлган қуёш электр станцияси ишга туширилди. Мазкур қуёш электр станцияси йилига 480 минг кВт-соатдан зиёд электр энергияси ишлаб чиқаради ҳамда агентлик биносини кундуз куни электр энергия билан тўлиқ таъминлайди.

Ушбу мақсадларда 408 та қуёш электр панеллари ҳамда 6 та 200 литр ҳажмдаги қуёш сув иситиш қурилмалари ўрнатилди. Шу билан бирга, эҳтиёждан ортган қисмини ҳудудий электр тармоқларига узатиш имконияти ҳам яратилди.


Ушбу станция 2022 йил 10 июнь куни Ўзбекистон президенти раислигида қайта тикланувчи энергия манбаларидан фойдаланишни кенгайтириш масалалари бўйича ўтказилган видеоселектор йиғилишидаги топшириқлар ижроси юзасидан ўрнатилди.

Шунингдек, агентлик биносининг йўлак, зинапоя ва санузел қисмларида 107 та сенсорли ҳаракат детекторлари орқали ишлайдиган 286 та энергия тежамкор лампа ўрнатилган. Бу, ўз ўрнида, электр энергияси тежамкорлигини бир неча баравар оширмоқда.

Telegram: t.me/DAVAKTIVUZ
Facebook: fb.com/davaktiv.uz
Instagram: @davaktiv.uz
YouTube: Davaktivuz

Реклама ҳуқуқлари асосида.