Ейскда Су-34 қирувчи-бомбардимончи самолётининг қулаши оқибатида 13 киши, жумладан, уч нафар бола ҳалок бўлди. Яна 19 киши яраланди, улардан беш нафари ҳам бола, дея хабар бермоқда РИА Новости.
Эслатиб ўтамиз, 17 октябрь куни кечқурун Россиянинг Краснодар ўлкаси Ейск шаҳридаги турар-жой биноси ҳовлисига товушдан тез учувчи Су-34 қирувчи-бомбардимончи самолёти қулаб тушган. Шундан сўнг, ёнғин кўп қаватли уйнинг биринчи қаватидан бешинчи қаватигача қамраб олган.
Россия Мудофаа вазирлиги аввалроқ хабар берганидек, ҳарбий самолёт «Жанубий ҳарбий округ ҳарбий аэродромидан ўқув парвози учун» кўтарилиш чоғида ҳалокатга учраган. Учувчилар катапульта қилишга муваффақ бўлишган. Уларнинг таъкидлашича, ҳалокатга двигателлардан бирининг ёниши сабаб бўлган.
Су-34 ҳалокати юзасидан парвоз ёки уларга тайёргарлик кўриш қоидаларини бузиш моддаси бўйича жиноий иш қўзғатилган.
