Қашқадарё вилоятининг Қарши туманида Мирмирон қишлоғи фуқаролари каналдан 15 ёшли боланинг оқиб келаётган жасадини топди. Бу ҳақда вилоят прокуратураси матбуот котиби Соҳибжон Ғайбуллаев «Газета.uz»га хабар берди.
Маълум бўлишича, у Қарши туманида яшаган. 21 сентябрь куни соат 15:00 ларда уйидан велосипед билан чиқиб кетиб, қайтиб келмаган. Шундан сўнг яқинлари болани қидирувга берган. Орадан бир неча кун ўтиб, унинг жасади каналдан топилди.
Ҳозирда 2007 йилда туғилган вояга етмаган Д.Т.нинг сувдан жасади топилиши ҳолати бўйича Қарши туман прокуратураси терговга қадар текширув бошлади, тегишли экспертизалар тайинланди, дейилади хабарда.
