Маҳмуд Истамов ўрнига Қўқон шаҳрининг собиқ прокурори Улуғбек Хамдамов Бухоро вилояти прокурори этиб тайинланди. Бир неча кун аввал вилоятнинг Когон тумани прокурори 90 минг доллар пора олаётган вақтида қўлга олинганди.
«Қонунлар қоғозда эмас, балки амалда қатъий бажарилганда», одамлар ҳаётида хотиржамлик ва рўзғорида фаровонлик бўлади, деди президент. «Бу мақсадга тўла эришиш мумкин», деди у прокуратура ходимларига йўллаган табригида.
Қумқўрғон туманида ҳоким ёрдамчиси фуқароларнинг номига иссиқхона ташкил этиш учун 4 марта (жами 132 млн сўм) кредит олиб, пулларни ўзига қарашли МЧЖга ўтказгани айтилмоқда. Унга нисбатан жиноят иши қўзғатилди ва лавозимидан озод этилди.
Андижон, Булоқбоши ва Жалақудуқ туманлари «Кўмир таъминот» корхонаси мудирлари 3 минг тоннадан ортиқ кўмирни талон-торож қилгани аниқланди. Улар куз-қиш мавсумида аҳолига имтиёзли нархда тарқатишга мўлжалланган кўмирни сотиб юборган.
Тошкент вилояти прокуратураси томонидан 150 та объектда сифатсиз бажарилган 10,6 млрд сўмлик ишлар ва 106 та объектдаги 4,8 млрд сўмлик қўшиб ёзиш аниқланди. Лойиҳа-смета ҳужжати қайта ўрганилиши натижасида 994 та лойиҳадан 216,8 млрд сўмлик маблағ бюджетдан ортиқча харажат қилинишининг олди олинди.
«Прокуратура тўғрисида»ги қонунга киритилган қўшимча ва ўзгартиришларга кўра, энди Ўзбекистон ҳарбий прокурори бош прокурор тақдимига биноан президент томонидан лавозимга тайинланади ва лавозимидан озод этилади.
Фарғона вилоятида вафот этган 20 ёшли келиннинг яқинлари унинг тўйдан бир ой ўтиб ўз жонига қасд қилганига ишонмаяпти. Холасининг айтишича, қиз эри уни калтаклаётганидан шикоят қилган.
Тошкент шаҳар ИИББда тергов вақтида фуқаро вафот этгани юзасидан жиноят иши қўзғатилди. Ички ишлар ходимлари мансаб ваколатидан четга чиқиш ва қийноққа солишда гумонланмоқда.
Чирчиқ шаҳридаги Deluxe hotel меҳмонхонасида 23 ёшли йигит ва 21 ёшли қиз вафот этди.
Президентнинг ёқилғи-энергетика ресурсларидан фойдаланишни назорат қилиш тўғрисидаги фармони билан прокуратура органларида бошқарув ходимлари сони 4195 дан 4886 нафарга, Бош прокуратура прокурор-терговчилари эса 252 дан 316 нафарга оширилди. Яна бир — бош прокурор ўринбосари лавозими жорий этилади.
Музработ туманида мастлиги айтилган эркакни уриб, унга куч ишлатган ИИБ ходими «мансаб ваколатидан четга чиққан» деб топилди ва ҳаракатлари юзасидан жиноят иши қўзғатилди. Терговнинг боришини прокуратура назоратга олган.
Тармоқларда Хонобод шаҳар ҳокимлиги ходими пичоқлангани ҳақида хабарлар тарқалди. Бош прокуратурага кўра, жабрланган шахс ҳокимиятда эмас, Республикадаги қўмиталарнинг бирида ишлайди. Пичоқланган фуқаро тирик қолган. Ҳолат юзасидан жиноят иши қўзғатилиб, 1 нафар шахс гумонланувчи сифатида ушланган.
Тахиатош туманидаги маҳаллардан бирининг раиси 31 млн сўмдан ортиқ пулни талон-торож қилганликда гумонланмоқда. Унинг бир марталик моддий ёрдам пулларини асоссиз тўлагани аниқланган. Ҳолат юзасидан туман прокуратураси терговга қадар текшириш олиб бормоқда.
Қашқадарёда яна бир бола «Док-1 Макс» сабаб вафот этди. 1 ёшли болага сироп 5 кун давомида уйида ичириб турилган.
Тармоқларда Фарғона вилоятида Cobalt ҳайдовчиси ҳарбий хизматчини катта тезликда уриб, қочиб кетгани айтилган видео тарқалди. Вилоят прокуратураси оддий аскар олган тан жароҳатлари билан шифохонага ётқизилгани ва ҳайдовчига нисбатан жиноят иши қўзғатилганини маълум қилди.
Қарши туман тиббиёт бирлашмаси бошлиғи пора билан ушлангани айтилмоқда. У фуқарони ишга киритиб қўйиш эвазига 500 доллар олаётган вақтда қўлга олинди. Ҳолат юзасидан жиноят иши қўзғатилди.
Навоий кон металлургия комбинатида портлатиш ишлари давомида экскаватор кабинасида бўлган машинист ҳалок бўлди. Унинг ёрдамчиси 1 ва 2-даражали куйиш жароҳатини олди. Ҳолат юзасидан терговга қадар текширув ҳаракатлари бошланди ва судга оид тиббий экспертиза тайинланди.
Навоий вилояти солиқ бошқармасининг икки ходими пора билан ушлангани хабар қилинди. Улар солиқ текшируви натижасини тадбиркор фойдасига ижобий ҳал қилиш учун 10 минг доллар талаб қилган. Ходимларга «қамоққа олиш» тарзидаги эҳтиёт чораси қўлланилди.
Августда Сурхондарёдаги «Ҳазарбоғ» каналидан 27 ёшли шахснинг жасади топилди. Суд-тиббий экспертиза унинг ўлимига бурун ва оғиз бўшлиғининг сув билан беркитилишидан вужудга келган механик асфикция сабаб бўлганини айтди. Бунда жиноят таркиби аниқланмаганлиги сабабли жиноят иши қўзғатиш рад қилинди.
Фарғона вилояти Бувайда туманида Gentra ҳайдовчиси прокуратура биноси олдида йўл ҳаракати қоидаларини кўпол равишда бузиб, қарама-қарши томонда ҳаракатланди. Унга нисбатан маъмурий баённома расмийлаштирилиб, машина жарима майдонига жойлаштирилди.
Қўшимча имкониятларга эга булиш учун сайтда рўйхатдан ўтинг