19 сентябрь куни соат 19:05 ларда 2006 йил туғилган бола Наманган тумани Миришкор маҳалласи ҳудудидан ўтувчи «Тўрақўрғон — Боғистон» темир йўлининг 81 километри биринчи пикетида темир йўл изининг ён қисмидаги юқори кучланишли симёғочига чиқиб, суратга тушмоқчи бўлган.

Шу вақтида уни 27 500 вольт кучланишдаги электр токи уриб, жароҳат олган ва туман тез тиббий ёрдам бўлимининг жонлантириш бўлимига ётқизилган.

«Бемор жонлантириш бўлимига келган вақтида шок ҳолатида эди. Кўрсатилган муолажалардан сўнг шок ҳолатидан чиқарилди. Ҳозирда бемор ҳолати стабил», — деди шифокор.

Бемор бўлган воқеани қуйидагича изоҳлади.

«Поезд йўлида, устундаги симга тирмашиб чиқдим. Ўша симни очиқ жойи бор экан, шу ерига қўлим тегиб шундай ҳолатга тушиб қолдим. Кўзимни очиб қарасам шифохонада ётибман. Бошқа қайтарилмайди», — деди бола.

Содир бўлган ҳолат юзасидан Наманган вилояти ИИБ Транспортда хавфсизликни таъминлаш бошқармаси масъуллари томонидан муҳокама ўтказилди.