Давлат активларини бошқариш агентлиги «Чиноз нефтни қайта ишлаш заводи» МЧЖ устав фондидаги 100 фоиз давлат акция пакетларини сотиш режаси ҳақида эълон берганди.
Тегишли дастурига мувофиқ, заводни хусусийлаштириш бўйича профессионал консалтинг компанияси танлаб олинди.
Саралаш натижасида, Mosaic Financial компанияcи етакчи маслаҳатчиси сифатида танланган.
Маълумот учун, Mosaic Financial компанияси маҳаллий капитал бозорида инвестиция воситачиси ва инвестицион активларнинг ишончли бошқарувчиси, шунингдек инвестиция маслаҳатчиси сифатида фаолият юритади. Шу билан бирга, Инвестиция институтлари миллий уюшмаси аъзоси хисобланади.
Завод ҳақида
«Чиноз нефтни қайта ишлаш заводи» МЧЖ — асосий вазифаси нефтни қайта ишлаб бензин, керосин, мазут, дизел ёқилғиси ва мойларга айлантиришни ташкил этишдан иборат. Ушбу саноат корхонаси йилига 117 минг тоннадан зиёд углеводород хомашёсини қайта ишлаш имконини берувчи замонавий технологик ускуналар билан жиҳозланган.
Корхона 2016 йил 11 август куни фаолиятини бошлаган. Устав фонди 102 млрд сўмни ташкил этади.
