NASA космик агентлиги (АҚШ) Crew Dragon космик кемаси 25 апрель куни тўрт нафар экипаж аъзоси билан Ер орбитаси ва Халқаро космик станция бўйлаб 17 кунлик саёҳатдан сўнг Ерга қайтганини маълум қилди. Кема Флорида яқинидаги Атлантика океанига муваффақиятли қўнди.
Шаттл 9 апрель куни Ер орбитасига Илон Маскнинг Space X Falcon 9 ракетаси орқали етказилган эди. Space X ва Axiom компаниялари томонидан амалга оширилган мазкур парвоз Халқаро космик станцияга юборилган биринчи тижорий рейс бўлди.
ХКСга уланган Crew Dragon кемаси. Фото: NASA.
Тўрт нафар космик сайёҳлар гуруҳи орбитада тахминан ўн кун қолиши керак эди, бироқ Атлантика океанида режалаштирилган қўниш жойидаги ноқулай об-ҳаво шароити туфайли миссиянинг қайтиши 25 апрелга қолдирилди.
ХКСда бўлган вақт давомида сайёҳлар тадқиқот олиб боришди ва илмий материаллар тўплашди. Маълум қилинишича, бу саратон ҳужайраларининг ўсишини ўрганиш, станцияда фойдаланиш учун янги ҳаво тозалагични кўргазмали синовдан ўтказиш ва келажакда космик қурилиш учун автоном плиткалардан фойдаланган ҳолда олиб борилган тадқиқотлардир.
ХКСда аччиқ қизил қалампир ўсади. Фото: NASA.
Crew Dragon кемасининг ХКСдан чиқарилиши. Axiom видеосидан скриншот.
ХКСдан чиқарилганидан 16 соат ўтгач, Crew Dragon экипажи Ерга қайтиб келди.
Халқаро космик станцияга биринчи хусусий астронавтлар миссиясининг муваффақиятли амалга оширилиши космик саёҳатчилар учун имкониятларни очиш ва NASAнинг паст Ер орбитасидаги бизнес мақсадига эришишда муҳим қадамдир, деди АҚШ ташкилот маъмури Билл Нелсон.
