Илон Маскнинг SpaceX компанияси АҚШ Миллий космик агентлиги (НАСА) билан биргаликда 8 апрель куни тўрт кишидан иборат тўлиқ тижорат экипажи билан Falcon-9 ракетасини паст Ер орбитасига муваффақиятли олиб чиқди.
9 апрель куни Crew Dragon космик кемаси Халқаро космик станцияга (ХКС) туташди. Falcon-9 ракетаси Crew Dragon космик кемаси билан Флорида штатидаги Кеннеди космик марказидан муваффақиятли учирилди. Ax-1 миссияси Axiom Space хусусий компанияси томонидан бошқарилади, унинг мақсади 2024 йилда биринчи тижорат космик станциясини ишга туширишдир.
8 апрель куни Axiom Space жонли эфирида Falcon 9 ракетасининг учирилиши.
Экипаж таркибида америкалик тадбиркор Ларри Коннор, канадалик инвестор Марк Пати ва исроиллик тадбиркор Эйтан Стиббе бор эди. Экипаж командири — НАСАнинг собиқ астронавти, Axiom Space ходими Майкл Лопес-Алегрия.
Фото: SpaceX. Космик саёҳат иштирокчилари старт олдидан.
Crew Dragon кабинаси, 9 апрель. Axiom Space ва NASA жонли эфиридан.
Космик кема ХКС билан муваффақиятли туташди ва космик сайёҳлар ХКСдаги 67-экспедиция тадқиқот гуруҳига қўшилишди. Сайёҳлар орбитада тахминан 10 кун, ХКСда эса камида 8 кун бўлиши режалаштирилган.
Космик кема ХКСга туташмоқда. Axiom Space ва NASA жонли эфиридан.
Космик кеманинг ХКСга тутатишига 2 метр қолганида. Axiom Space ва NASA жонли эфиридан.
ХКС люки Crew Dragon экипажини қарши олиш учун очилмоқда. Axiom Space ва NASA жонли эфиридан.
SpaceX 2021 йилнинг сентябридан биринчи марта ХКСга тижорий экипажни юборган эди. Ушбу парвоздан кўзланган мақсад Америкадаги саратон касалхоналари учун 200 млн доллар хайрия қилишдан иборат бўлди. Ўша экипаж аъзоларидан бири эса мазкур хасталикдан даволанаётганди.
