Украина президенти Владимир Зеленский ўз Twitter саҳифасида Украина Россия устидан БМТ Халқаро судига шикоят киритганини эълон қилди.
Зеленскийнинг таъкидлашича, Россия ўз агрессиясини оқлаш учун «геноцид» тушунчасини манипуляция қилганлиги туфайли жавобгарликка тортилиши керак.
«Биз Россияни ҳарбий ҳаракатларни ҳозироқ тўхтатишга буюрадиган шошилинч қарорни талаб қиламиз ва суд жараёнлари келаси ҳафта бошланишини кутамиз», — дейди у.
Бундан аввал Европа ва АҚШ Россияга нисбатан янги «қаттиқ молиявий санкциялар» қўллашга келишиб олгани ҳақида ёзган эдик. Унга кўра, Россиянинг санкция остидаги банклари SWIFT тизимидан узиб қўйилади. Шунингдек, Россия ҳукуматига алоқадор шахсларнинг хориждаги активлари музлатилади.
