Ўзбекистонда ҳар куни ўтказиладиган коронавирус аниқлаш бўйича ПЗР тестлари сони сўнгги кунларда ўртача 45−50 мингтагача ўсди. Бу бўйича «Газета.uz» сўровига жавобан, Санитария-эпидемиологик осойишталик ва жамоат саломатлиги хизмати маълумотига асосланиб, ССВ хабар берди.
5−15 январь кунлари мамлакатимизда жами 300 мингдан зиёд ПЗР-тест синамаси ўтказилган.
2021 йил декабрь ойининг охирги ҳафтасида мамлакатда кунига 15−20 мингта шу каби тест таҳлиллари ўтказилган, дея маълум қилди ССВ.
Эслатиб ўтамиз, коронавирусга кунлик чалиниш ҳолатлари 5 январь санасидан бошлаб ортиб бормоқда. 18 январь, сешанба куни 1214 нафардан зиёд кишида коронавирус инфекцияси аниқланди.
Бунга қадар, Санитария-эпидемиологик осойишталик хизмати пойтахтдаги коронавирус инфекциясига бепул ПЗР тест топшириш мумкин бўлган лабораториялар манзилини эълон қилганди:
- Тошкент шаҳар бошқармаси лабораторияси — Олмазор тумани, Қорасарой кўчаси, 341-уй;
- Учтепа тумани бўлими лабораторияси — Учтепа тумани, Чилонзор 21;
- Сергели тумани бўлими лабораторияси — Сергели тумани, Сергели 3−14;
- Чилонзор тумани бўлими лабораторияси — Чилонзор тумани, Лутфий-4−14;
- Юнусобод тумани бўлими лабораторияси — Юнусобод тумани, Юнусобод 8−34;
- Мирзо Улуғбек тумани бўлими лабораторияси — Мирзо Улуғбек тумани, Қармоқ кўчаси, 1 А-уй;
- Бектемир тумани бўлими лабораторияси — Ҳ.Бойқаро кўчаси, 48-уй;
- Миробод тумани бўлими лабораторияси — Саракўл кўчаси, 76-уй;
- Шайхонтоҳур тумани бўлими лабораторияси — Хадра массиви, 17 А-уй;
- Яшнобод тумани бўлими лабораторияси — Махтумқули кўчаси, 1-берк, 6-уй;
- Яккасарой тумани бўлими лабораторияси — Бобур кўчаси, 2-берк А 22-уй;
- Янгиҳаёт тумани аҳолиси Сергели тумани бўлими лабораториясига мурожаат этади — манзили Сергели тумани, Сергели 3−14.
Ушбу лабораторияларда ПЗР тест таҳлиллари ҳар куни 24 соат давомида бепул ўтказилади.
Эслатиб ўтамиз, Тошкент шаҳрининг 12 та туманида 24 соат фаолият олиб борувчи ковид-поликлиникалар ўз ишини бошлаганди. Беморларга шошилинч тиббий ёрдам кўрсатиш мақсадида ушбу поликлиникалар рентген, кислород конденсаторлари, пульсоксиметр, ПЗР-тест, зарур дори-дармонлар билан таъминланган (рўйхат).