25 октябрь, душанба куни Россия президенти Владимир Путин Ўзбекистон президенти Шавкат Мирзиёев билан телефон орқали мулоқот чоғида уни президент сайловидаги ишончли ғалабаси билан илиқ табриклади. Бу ҳақда Кремль матбуот хизмати хабар берди.
Мулоқот чоғида давлат раҳбарлари Россия-Ўзбекистон стратегик шериклик ва иттифоқчилик муносабатларининг бутун мажмуасини ҳар томонлама ривожлантиришга ўзаро мойиллигини тасдиқладилар.
Россия президенти Шавкат Мирзиёевга табрик хати ҳам йўллади.
Эслатиб ўтамиз, Марказий сайлов комиссияси хабарига кўра, президент сайловининг дастлабки натижалари бугун Тошкент вақти билан соат 16:00 да МСК раиси Зайниддин Низомхўжаев томонидан эълон қилинади.
