Ўзбекистонга «Спутник V» вакцинасининг 70 минг дозалик 2-компоненти олиб келинди

Бугун, 10 июнь куни Ўзбекистонга Россиядан «Спутник V» вакцинасининг навбатдаги 70 минг дозалик 2-компоненти олиб келинди. Бу ҳақда Соғлиқни сақлаш вазирлиги матбуот хизмати хабар берди.

Эслатиб ўтамиз, 1 июнь куни «Спутник V» вакцинасининг навбатдаги 70 минг дозалик 1-компоненти келтирилган эди.

Апрель ойида ушбу вакцинанинг 100 минг дозаси келтирилган эди (унинг 50 минг дозаси 1-компонент, 50 минг дозаси 2-компонент).

Шунингдек, ўтган вақт мобайнида AstraZeneca’нинг — 660 минг доза, ZF-UZ-VAC2001'нинг: 27 мартда — 1 млн доза, 27 апрелда — 1 млн доза, 18 майда — 1 млн доза, 19 майда — 500 минг доза партиялари келтирилган.