Бугун, 10 июнь куни Ўзбекистонга яна 1 миллион доза ZF-UZ-VAC2001 вакцинаси олиб келинди, дея хабар бермоқда ССВ ахборот хизмати. Бу ушбу вакцинанинг Ўзбекистонга келтирилган 5-партияси ҳисобланади.
Маълумот учун бундан аввал ZF-UZ-VAC2001'нинг: 27 мартда — 1 млн доза, 27 апрелда — 1 млн доза, 18 майда — 1 млн доза, 19 майда — 500 минг доза партиялари келтирилган.
«Шунингдек, Ўзбекистонда 660 минг доза AstraZeneca, 240 минг доза „Спутник V“ вакцинаси қўлланилиб келинмоқда», — дея қўшимча қилинади хабарда.
Қайд этилишича, Ўзбекистоннинг вакцина захираси 5,4 миллион дозага етмоқда. Айни пайтга қадар шундан 2,4 миллион дозадан ортиғи вакцинация жараёнларида қўлланилди.
