Анжей Малиновский Beeline Uzbekistan компаниясининг янги бош директори бўлади. VEON холдинги сайтидаги баёнотга кўра, у 15 март куни ўз вазифаларини бажаришга киришади.
Аввалроқ VEON Арташес Давтян «Beeline Uzbekistan» га раҳбарлик қилишини маълум қилган эди, аммо холдинг уни ишга қабул қилиш жараёни якунига етмагани ҳақида хабар берган.
Анжей Малиновский 1968 йил 21 июнда туғилган, Полша фуқароси. У чакана ва электрон тижорат компанияларида ишлаган. 2017 йилдан бери у Beeline Georgia компаниясининг бош директори лавозимини эгаллаб келган.
Beeline Uzbekistan компаниясининг собиқ раҳбари Сергей Афонин компанияни 2020 йил октябрь ойида тарк этган эди.
