Таниқли кинорежиссёр Баҳром Ёқубов 60 ёшида оламдан ўтди. Бу ҳақда «Ўзбеккино» ахборот хизмати хабар бермоқда.
Баҳром Ёқубовнинг дастлабки режиссёрлик иши 1989 йилда «Ёш ёзувчининг кундалиги» қисқа метражли бадиий фильми бўлган, сўнгра кўп йиллар давомида ҳужжатли фильмларни суратга олган. У «катта» кинога 2003 йилда «Сарвиноз» тўлиқ метражли фильми билан келган.
Режиссёр «Бахт учун миллион», «Фотима ва Зуҳра», «Мажруҳ», «Супер келинчак», «Ичкуёв», «Зирапча», «О Марьям, Марьям», «Фотима», «Ташландиқ», «Антиқа ажрашиш» каби фильмларни суратга олган.
