Қурилиш вазирлиги Қашқадарё вилоятида ноқонуний равишда қурилаётган бешта бино ҳақида маълум қилди. Хабар берилишича, ушбу ҳолатлар вазирлик ҳамда ҳудудий назорат инспекциялари томонидан қатъий назоратга олинган.
1. Қашқадарё вилояти Қарши шаҳри «Шуртан» МФЙ ҳудудидаги «1-сон комплекс лойиҳа қурилиш ва монтаж» хусусий корхонаси томонидан қурилаётган «Кўп қаватли турар-жой» биноси ўрганилганда асосан объектда мажбурий юритилиши лозим бўлган ижро ҳужжатлари юритилмаганлиги, бинода ишлатилган монолит темир бетон констркуцияларининг лойиҳавий мустаҳкамлигига мос келиши бўйича лаборатория синов хулосалари олинмаганлиги, шаҳарсозликка рухсат берувчи ҳужжатлар расмийлаштирилмаганлиги ҳамда ҳудудий инспекцияни хабардор этмасдан қурилиш-монтаж ишлари бошланганлик ҳолати аниқланган.
Ушбу аниқланган камчиликлар бўйича пудратчи ташкилотга 2020 йил 24 декабрда ёзма кўрсатма берилиб, камчиликлар бартараф этилмаганлиги сабабли маъмурий ҳуқуқбузарлик тўғрисида баённома расмийлаштирилиб, тегишли судга топширилган.
2. Қарши шаҳрининг И.Каримов ҳамда «Тупхона» кўчалари чорраҳасида «Улкан иншоот қурилиш сервис» МЧЖ томонидан қурилаётган «Меҳмонхона» биносида ўрганиш олиб борилганда қурилаётган бинода қуйидаги камчиликлар аниқланган:
- объект қурилиши учун тайёрланган лойиҳа-смета ҳужжатларига ижобий йиғма экспертиза хулосаси олинмаган;
- объектни лойиҳалаштириш учун ишлаб чиқилган бош режа ҳамда фасад кўринишларига архитектура ва шаҳарсозлик кенгашининг баённомаси олинмаган;
- ҳудудий инспекцияни хабардор этмасдан қурилиш-монтаж ишлари бошланган.
Ўз навбатида қурилаётган объектда ишлатилаётган қурилиш материалларининг сифат ҳужжатлари мавжуд эмаслиги, темир бетон конструкцияларида ишлатилган бетон қоришмаларининг лойиҳавий мустаҳкамлигига мослиги бўйича лаборатория синов хулосалари олинмаганлиги аниқланган.
Мазкур аниқланган камчиликлар ҳудудий инспекция томонидан ёзма кўрсатмада белгиланган муддатда бажарилмаганлиги сабабли маъмурий ҳуқуқбузарлик тўғрисида баённома расмийлаштирилиб, тегишли судга юборилган.
3. Қарши шаҳрининг Жайхун кўчаси ҳудудида «Назира» хусусий корхонаси томонидан қурилаётган «Автомобилларга техник хизмат кўрсатиш шаҳобчалари ва навес» қурилиши ҳудудий инспекцияни хабардор этмасдан бошланганлиги сабабли объектда инспекциянинг буйруғига асосан қисқа муддатли инспекторлик текшируви ўтказилган.
Қисқа муддатли инспекторлик текшируви жараёнида объектда:
- «Қурилишда ишлаб чиқаришни ташкил қилиш» қоидасининг талабига зид равишда қурилиш пойдеворининг тупроқ ости зичлигини аниқлаш бўйича лаборатория синов хулосалари олинмаганлиги,
- ишлаб чиқилган ишчи лойиҳада навес қурилиши ишларида устунларга Д150 мм.ли металл қувурлар,
- том ёпма ишларида металл фермалар кўрсатилган бўлиб, амалда «Зилзилавий ҳудудларда қурилиш» қоидаси ва лойиҳа талабида зид равишда устунлар ўрнига олдин фойдаланилган йиғма темир бетон устунлар ва колонналар монтаж қилинганлиги аниқланган.
Аниқланган камчилик ва нуқсонлар бўйича пудрат ташкилот «Назира» хусусий корхонаси раҳбари номига ёзма кўрсатма берилган бўлиб, белгиланган муддатда бажарилмаганлиги сабабли маъмурий ҳуқуқбузарлик тўғрисида баённома тузилиб, тегишли суд органига юборилган.
4. Қамаши туманининг «Оқгузар» МФЙ ҳудудида «Замин метан сервис» МЧЖ томонидан қурилаётган 2 қаватли «Супермаркет» биноси қурилиши ҳудудий инспекцияни хабардор этмасдан бошланганлиги сабабли объектда инспекциянинг ишлаб чиқариш буйруғига асосан, қисқа муддатли инспекторлик текшируви ўтказилган.
Қисқа муддатли инспекторлик текшируви жараёнида объектда:
- «Қурилишда ишлаб чиқаришни ташкил қилиш» қоидасининг талабига зид равишда объектда мажбурий юритилиши лозим бўлган техник ижро ҳужжатларидан умумий журнал, материалларнинг кирим назорати, махсус ишлар, бетон, пайванд, техника хавсизлиги журналлари юритилмаганлиги,
- «Қурилишда ишлаб чиқаришни ташкил қилиш» қоидасига асосан бино қурилишида ишлатилган монолит темир бетон констркуцияларининг мустаҳкамлиги лойиҳага мослиги бўйича лаборатория синов хулосалари олинмагани аниқланган ва бу камчиликларни бартараф этиш бўйича тегишли кўрсатмалар берилган.
