23 январда Голландиянинг кўплаб шаҳарларида карантин чекловларига қарши норозилик намойишлари бошланди. Шу куни мамлакатда Иккинчи жаҳон урушидан буён илк бора комендантлик соати кучга кирди.
Euronews хабарига кўра, намойишлар сешанба кунига ўтар кечаси ҳам содир бўлган.
Намойишчилар полициячиларга ҳужум қилиб, уларга фиşэк ва тошларни улоқтирдилар, погромлар ва қароқчиликларни уюштирдилар. Ҳуқуқ-тартибот идоралари 150 дан ортиқ одамни ҳибсга олган.
21:00 дан 04:30 гача аҳолига уйларидан чиқиш тақиқланиб, қоидабузарларга 95 евро жарима солиниши белгиланган. Норозилик намойишлари 3 кун мобайнида давом этиб келмоқда.
Намойиш иштирокчилари асосан ёшлардан иборат бўлган. Улар ўт ёққан, полиция ходимларига тош ва мушакларни отиб, машиналарни ағдаришган. Лутерлар эса дўконларни ўмарган.
Полиция билан энг катта тўқнашув содир бўлган Роттердамда фавқулотда вазият эълон қилинди.
Тўқнашувлар Амстердам, Гаага, Амерсфорт, Гелене ва бошқа шаҳарларда ҳам содир бўлган. Намойишларнинг учинчи куни полиция 184 кишини ҳибсга олди. Голландиядаги ушбу тартибсизликлар сўнгги 40 йил ичидаги энг йирик эканлиги қайд этилди.
