Ўзбекистонда тўғридан-тўғри 15 йил давомида мамлакатимизда доимий яшовчи фуқаролиги бўлмаган шахсларга фуқароликни қабул қилиш тартиби жорий этилади. Президент Шавкат Мирзиёев бу ҳақда парламентга йўллаган мурожаатида айтиб ўтди.
Ўтган йили мамлакатга 1995 йилгача келган 50 мингдан ортиқ киши фуқаролик олди.
«Келгуси йилда мамлакатимизга 2005 йилгача келган ва бу ерда доимий яшовчи фуқаролиги бўлмаган шахсларга тўғридан-тўғри Ўзбекистон фуқаролигини берамиз», — дея эълон қилди Шавкат Мирзиёев.
Бу ўзгариш билан мамлакатда яшаб келаётган яна 20 минг киши фуқаролик олади, деди президент.
