Жонс Хопкинс университети (АҚШ) маълумотларига кўра, Дунё бўйлаб ҳозиргача 78,6 млн инсон коронавирус билан касалланган. Бунинг оқибатида вафот этганлар сони 1,73 млн дан ортиқ. 44,2 млн нафар бемор эса COVID-19 дан тўлиқ тузалган. Бу дунё аҳолисининг 1% дан ортиқ қисми коронавирус билан касалланганини англатади.
Сўнгги маълумотларга кўра, Украина ва Перу мамлакатларида ҳам коронавирус юқтирганлар сони миллиондан ошган. Энг кўп беморлар АҚШ (18,4 млн нафар), Ҳиндистон (10,1 млн) ва Бразилияда (7,3 млн) қайд этилган.
COVID-19 билан касалланганлар сони миллиондан ошган давлатлар рўйхатини Россия (2,9 млн), Франция (2,5 млн), Буюк Британия (2,1 млн), Туркия (2 млн), Италия (1,9 млн), Испания (1,8 млн), Германия (1,6 млн), Аргентина (1,5 млн), Колумбия (1,5 млн), Мексика (1,3 млн), Польша (1,2 млн) ва Эрон (1,1 млн) каби давлатлар тўлдириб турибди.
