Йилнинг 10 ойида Ўзбекистон Қозоғистондан 3,1 минг дона автомобиль сотиб олди (1872% га кўпроқ) ва бу борада энг йирик импортчига айланди. Бу ҳақда Lsm.kz нашри Қозоғистон автобизнеси ассоциацияси маълумотларига асосланиб хабар берди.
Автомобиль импорт қилиш бўйича Ўзбекистондан кейин:
- Россия — 2,8 минг автомобиль (64%га кўп);
- Қирғизистон — 59 та машина (228%га кўп);
- Беларусь — 55 та машина (129% га кўп).
Қозоғистон автомобиллари экспортининг умумий миқдорининг 67 млн долларини (ўтган йилгидан 2518%га кўп) Ўзбекистон ташкил қилди, Россияда эса бу кўрсаткич 26 млн долларга (61,8%га кўп), Беларусда 527 минг долларга (30%га кўп), Қирғизистонда 506 минг долларга (234%га кўп) тенг бўлди.
