Коронавирусга қарши кураш штаб аъзоси Севара Убайдуллаева қандай ҳолатларда эмлаш мумкинмаслиги тўғрисида маълумот берди.
Унинг сўзларига кўра, COVID-19 билан касалланиб тузалган беморларга гриппга қарши вакцина қилиш мумкин.
«Гриппга қарши вакцина бир йиллик вакцина бўлиб, у ҳар или учраши мумкин бўлган гриппнинг штаммларига қарши ишлаб чиқилади. Шу билан бирга, бу вакцина билан инсон организми айнан гриппнинг шу штаммларига қарши иммунитет ҳосил қилади. У ковид билан касалланган ва тузалган беморларини куз-қиш мавсумида гриппнинг келадиган штаммларидан маълум даражада ҳимоя қилади ёки касалликни енгил кечишини таъминлаб беради», — деди у.
Коронавирусга қарши кураш штаби аъзоси кимларни эмлаш мумкинмаслигига ҳам тўхталиб ўтди. Унга кўра:
- ортирилган иммун танқис ҳолатлар, яъни ОИТС касаллигини турли босқичларида;К
- вакцина таркибидаги адъюванти, яъни вакцина ишлаб чиқилган асосий восита ва қўшимчаларига нисбатан аллергик ҳолат;
- болаларда миянинг органик қисмида ўзгариш келтириб чиқарувчи неврологик касалликларни зўрайиб бориши даврида эмлаш мумкин эмас.
«Барча соматик касалликлар авж олиш даврида тана ҳароратининг 38° С дан юқори кўтарилиши, диарея, ич кетиш, қусиш, тутқаноқлар, қон босимини кўтарилиши ёки тушиши, кучли оғриқ синдромида ва ҳоказолар ўтиб кетганидан кейин шифокор кўрувидан ўтиб соғлом деб ташхис қўйилганида, тиббиёт муассасида шифокор-иммунолог, педиатр ёки терапевт назорати остида эмланиш керак», — дея таъкидлади Севара Убайдуллаева.
