ЖССТ Россияга вакцинани ўйлаб топишдаги ҳаракатлари учун миннатдорчилик билдирди
ЖССТнинг Европа бўйича минтақавий директори Ханс Клюге ташкилот номидан Россияга «Спутник V» коронавирусга қарши вакцинани ишлаб чиқаргани учун миннатдорчилик билдирди. «ЖССТ Россия Федерациясининг CОVID-19 га қарши вакцинани, яъни «Спутник V»ни ишлаб чиқаришга қаратилган саъй-ҳаракатларини жуда қадрлайди. Мен Россия Федерациясига хавфсиз ва самарали вакцинани яратиш бўйича ажойиб саъй-ҳаракатлари учун яна бир бор миннатдорчилик билдирмоқчиман», — деди Клюге. — РИА Новости.
Nikola асосчиси директорлар кенгашининг ижроия раиси лавозимини тарк этди
Фото: @nikolatrevor
Nikola компаниясига асос солган ва ижрочи раис сифатида ишлаб келган Тревор Милтон компания директорлар кенгашини тарк этди. Милтоннинг истеъфога чиқиш истагини эълон қилди. Унинг ўрнига GM нинг собиқ раис ўринбосари ва Nikola директорлар кенгаши аъзоси Стивен Гирский тайинланди. Компания AҚШ назорат органлари томонидан текширувлар мавзусига айланганидан бир неча кун ўтгач, Милтон ўз лавозимидан кетди. «Nikola ҳақиқатан ҳам менинг қонимда бор ва ҳар доим ҳам шундай бўлади, асосий эътибор менга эмас, балки компания ва унинг дунёни ўзгартириш миссиясига қаратилиши керак», — деди Милтон. — nikolamotor.com
«Эмми» мукофотининг ғолиблари эълон қилинди
Фото: emmys.com
АҚШ телеакадемияси 72-чи «Эмми» мукофотларини эълон қилди. Тадбир Twitter орқали онлайн трансляция қилинди.
Энг яхши комедия номинациясида «Шиттс Крик» сериали ғолиб бўлди. Ушбу сериалда бош ролларни ижро этган Кэтрин О Хара ва Южин Леви «Энг яхши комик актёр» ва «Энг яхши комик актриса» мукофотларига сазовор бўлишди. Зендая «Эйфория» сериалидаги роли учун «Энг яхши драматик актриса» мукофотига сазовор бўлди. «Энг яхши драматик сериал» номинациясида «Меросхўрлар» сериали ғолиб бўлди. Бу сериалда ўйнаган Жереми Стронг «Энг яхши драматик актёр» бўлди. — lenta.ru
Африка қитъасига БМТ Хавфсизлик Кенгашининг доимий аъзоси сифатида жой берилиши талаб қилинди
Жанубий Aфрика Республикаси президенти Сирил Рамапоса Aфрикага БМТ Хавфсизлик Кенгашининг доимий аъзоси сифатида жой берилишини талаб қилди. «БМТнинг юбилей учрашувида бутун ташкилотни, хусусан, унинг Хавфсизлик Кенгашини ислоҳ қилиш масаласи қўйилиши керак», — деди давлат раҳбари. Унинг фикрига кўра, миллиарддан ортиқ аҳолиси бўлган қитъанинг БМТ Хавфсизлик Кенгашида доимий ваколатхонаси бўлиши керак. Бу, бошқа муаммолар қатори, глобал соғлиқни сақлаш муаммоларини ҳал қилиш, урушлар ёки табиий офатларнинг олдини олиш учун ҳам зарурдир. — ТАСС.
Беларусда намойишларда иштирок этгани учун 230 дан ортиқ шахс ҳибсга олинди
Фото: TUT.BY
9 август куни бўлиб ўтган президентлик сайловлари ва Aлександр Лукашенконинг ғалабаси ҳақида эълон қилинганидан кейин Беларусда бошланган норозилик намойишлари ҳали ҳам давом этмоқда. 20 сентабрь, якшанба куни Минск ва мамлакатнинг бошқа шаҳарларида навбатдаги «Aдолат марши» бўлиб ўтди. «Весна» инсон ҳуқуқлари марказининг маълумотларига кўра, намойишларда 230 дан ортиқ одам ҳибсга олинган, улардан 167 нафари Минскда, 69 нафари бошқа ҳудудларда. — Газета.uz
