Ташқи ишлар вазирлиги Ўзбекистон фуқароларининг хорижий давлатларга (49 та мамлакатга) киришлари учун асосий талабларни, шунингдек, таълим олиш учун чиқиш талабларини (46) эълон қилди.
Рўйхатларда бориладиган мамлакатдаги санитар-эпидемиологик талаблар, Ўзбекистон билан тўғридан-тўғри авиқатновлар ва транзит пунктларининг мавжудлиги, консуллик идоралари ходимлари билан алоқа қилиш учун контактлар ва бошқа маълумотлар мавжуд. Чиқиш шартлари 2 сентябрдан бошлаб амалда эканлиги кўрсатилган.
Шунингдек, Ташқи ишлар вазирлиги Ўзбекистондан чиқиб кетишдан олдин дипломатик ваколатхоналар орқали бориладиган мамлакатга кириш талабларини янада батафсилроқ аниқлаб олишни ва бориладиган мамлакатга кириш ҳуқуқини берадиган асослар мавжудлигига ишонч ҳосил қилишни тавсия қилди.
