Монополияга қарши курашиш қўмитаси «Рақобат муҳитига салбий таъсир кўрсатадиган айрим хўжалик юритувчи субъектларга берилган эксклюзив ҳуқуқлар, индивидуал солиқ ва божхона имтиёзлари, преференцияларни бекор қилиш тўғрисида"ги президент фармони лойиҳасини норматив-ҳуқуқий ҳужжатлар лойиҳалари муҳокамаси порталига жойлаштирди.
Лойиҳада «Ўзметкомбинат»нинг қора металларни, «Ўзиккиламчиранглиметалл»нинг рангли металларни, «Давлатбелгиси»нинг турли хил қоғоз маҳсулотларини ишлаб чиқаришидаги монопол ҳолати ва эксклюзив ҳуқуқлари, «Ўзстандарт» агентлигига тегишли ўлчов воситаларини текшириш ва штрих-кодларни бериш бўйича корхоналари каби монополиялар бекор қилиниши таклиф этилмоқда.
«Ўзметкомбинат» АЖ ва «Ўзиккиламчиранглиметалл» АЖнинг монопсониясини (мутлақ сотиб олувчининг ҳуқуқи) ўрнига унинг таркибидан ихтисослаштирилган қпунктларни ажратиш йўли билан қора ва рангли металларнинг парчалари ва чиқиндиларини сотиб олиш бўйича мустақил корхона ташкил этиш кўзда тутилади.
Қумита янги ташкил этилган корхона томонидан қора ва рангли металларнинг парчалари ва чиқиндиларини фақат биржа савдоларида барча металдан ишланган буюмларни ишлаб чиқарувчиларнинг хом ашёларга тенг кириши таъминлаган ҳолда сотилишини таклиф этмоқда.
Шунингдек, ушбу ҳужжатда «Ўзбекипаксаноат», «Ўзёғмойсаноат», «Ўзэлтехсаноат», «Паррандасаноат», «Ўзбекистонасаларичилари», картошка ишлаб чиқарувчилар, «Ўзчармсаноат» каби турли бирлашмалар аъзоларига, индивидуал пахта ва тўқимачилик кластерларга ҳамда Халқ банки ва «Микрокредитбанк"ларга бериладиган имтиёз ва преференциялари бекор қилиниши ҳам режалаштирилган.
Фармон ва Қонун лойиҳаларининг муҳокамалари 16 июлга қадар давом этади.
