10 май куни Uzbekistan Airways чартер рейси билан Тошкентга Жанубий Кореядан инсонпарварлик ёрдамининг иккинчи партияси етиб келди, дея хабар қилди «Дунё» АА.
Олиб келинган юк таркибидан қарийб 192 минг долларлик автомат механизмли кўп функционалли тиббий каравотлар, антисептика ва дезинфекция воситалари, тиббий ниқоблар ва иммунитетни мустаҳкамлаш учун озиқ-овқат қўшимчалари ўрин олган.
Қарийб 1 млн доллар ва 6,2 тонналик биринчи юк апрель охирида пойтахтга олиб келинган эди.
Ёрдам Жанубий Кореянинг BOMI Engineering, LH Corporation, Evergreen Motors, Infinity Co. компаниялари, Шинхан университети, шунингдек, Жанубий Кореяда вақтинча ишлаётган ватандошлар ва у ерда таҳсил олаётган ўзбекистонлик талабалар кўмагида шакллантирилди.
