Жаҳон банки Ўзбекистоннинг Mega-Mebiko ҚК МЧЖ ишлаб чиқариш компаниясига нисбатан Сирдарё вилоятида сув таъминоти лойиҳаси доирасида фирибгарликка йўл қўйгани учун санкциялар жорий этилганини эълон қилди, дея хабар қилинди ЖБ сайтида.
Санкциялар Жаҳон банки томонидан молиялаштириладиган лойиҳаларда Mega-Mebiko иштирокини 30 ой муддатга чеклашни кўзда тутади. Кўрилган чоралар — тинч келишувнинг бир қисми бўлиб, компания ўз жавобгарлигини тан олган.
ЖБ маълумотларига кўра, Mega-Mebiko лойиҳа бўйича шартномани қўлга киритиш учун нотўғри молиявий ахборотлар берган ва манфаатлар тўқнашувига эга эмаслиги ҳақида ёлғон маълумот тақдим этган.
Томонлар имзолаган тинчлик келишувига кўра, санкциялардан озод қилинишини учун компанияга ЖБ тамойилларига мувофиқ ҳалолликни таъминлаш дастурини ишлаб чиқиш мажбурияти юкланган.
Компанияга Жаҳон Банки гуруҳи билан тўлақонлик ҳамкорликни давом эттириш ҳам юклатилди.
Тадбиркорлик субъектлари ягона давлат реестри маълумотларига кўра, Mega-Mebiko пластмасса плиталар, қувур ва профиллар ишлаб чиқариш билан шуғулланади.
