Коронавирус аломатлари сезилган аёл 5 маротаба шифохонага мурожаат қилган. Бу ҳақда Бош прокуратура ички ишлар органларида қонунчилик ижроси устидан назорат бошқармаси бошлиғи Содиқжон Бердиалиев брифингда маълум қилди.
Аниқланишича, Тошкент шаҳрининг Юнусобод туманида яшовчи фуқаро 19 март кунидан 4 апрель кунига қадар, яъни 16 кун мобайнида тана ҳарорати кўтарилиб, холсизлик сезаётганлиги боис 4 марта Юнусобод туманидаги 51-сонли Оилавий поликлиникага ва 7-сонли шаҳар клиник шифохнасига мурожаат қилган.
Шифокорлар унга тиббий ёрдам ва муолажалар кўрсатиб, уйига кетишига рухсат беришган.
Аёлнинг соғлиғи оғирлашиб, 5-марта шифохонага мурожаат қилганидан сўнгина ундан вирусологик текширув учун намуна олинган.
Текширув натижасида унда коронавирус аниқланиб, у ва у билан мулоқатда бўлган 30 дан ортиқ фуқаролар карантинга олинган. Бемор билан мулоқатда бўлган хамшира ва бошқаларда ҳам коронавирус аниқланган.
