Чирчиқ шаҳрида жойлашган «Азия» тўйхонасида 1989 йилда туғилган фуқаро М.Э. ҳеч қандай ҳужжатларсиз тиббий ниқоб ишлаб чиқаришни йўлга қўйган. Бу ҳақда Давлат солиқ қўмитаси ахборот хизмати хабар берди.
Ушбу тикувчилик цехи 2 апрелда иш бошлаб, ноқонуний равишда 183 нафар ишчи aёлларни ёллаган. Улар билан оғзаки равишда, ҳар бир ниқоб учун 60 сўмдан иш хақи беришга келишган. Ушбу жойда тайёрланаётган маҳсулотларнинг сифати ва белгиланган санитария талабларига жавоб беришига эътибор берилмаган дейилади хабарда.
Чирчиқ шаҳар давлат солиқ инспекцияси ходимлари томонидан бино кўздан кечирилганда 131 973 дона тайёр тиббий ниқоб, 170 000 дона ярим тайёр маҳсулот ва 21 дона клейлаш ускунаси, жами 301 994 дона, умумий нархи 156 миллион 696 минг сўмлик товар моддий бойликлар борлиги аниқланди.
Назорат тадбири натижасида тегишли ҳужжатлар расмийлаштирилиб, ҳуқуқбузарлик ашёлари масала қонуний ҳал бўлгунга қадар вақтинчалик олиб қўйилган.
Isrof Qilma
O'zbekiston Respublikasi Adliya vazirligida O'zbekiston Respublikasi sog'liqni saqlash vazirining 2020 yil 20 martdagi 114-son “Tibbiy buyumlar ro'yxatiga o'zgartirish kiritish to'g'risida“gi buyrug'i davlat ro'yxatidan o'tkazildi.
Mamlakatimizda 2019-nCoV koronavirusining yangi turi tarqalishini oldini olish, respublika hududida qulay sanitariya-epidemiologik muhitni ta'minlash, aholining salomatligini muhofaza qilish uchun shaxsiy himoya vositalari bilan ta'minlash va tibbiyot niqobi taqchilligini olidini olish hamda mahalliy ishlab chiqaruvchilarga keng imkoniyat yaratish, shuningdek tibbiy niqobni ishlab chiqarish, tayyorlash hamda uni realizatsiya qilish uchun litsenziya talab qilinishini inobatga olgan holda tibbiyot niqoblari Tibbiy buyumlar ro'yxatidan chiqarildi.
Endilikda, tibbiy niqobni ishlab chiqarish, tayyorlash hamda uni realizatsiya qilish uchun litsenziya talab etilmaydi.
Shuningdek, tibbiy niqob amaliyotda ko'llash uchun davlat ro'yxatidan o'tkazilmaydi.
Hero Geroy
2- апрелда бошлаган булса балки хали хужжатларини олишга улгурмаган булса керак хозирги пайтда давлат органларидан рухсат олиш чузилиб кетяпти сертификат текин дейилмаокда лекин ундан олдинги хужжатларга яни тех условия ва бошкаларга катта суммалар кетиб колмокда шу тадбиркор бугунги кунда аптекаларимизда етишмаётган долзарб махсулотни ишлаб чикарвотган булса унга тушунтириш ишлари олиб бориб куллаб кувватлаб юбориш керак эди шунча одамни иш билан таминлавотган экан шу махсулотни талабга жавоб бермайди деб олиб куйиб тадбиркорни карзга ботказиб кейин шу махсулотни узлигиси сотувга чикариб юборишади
Ибрат Сотвалдиев
Яхшиликка йомонликми? Бу нима киганларинг хукуматдегилар.. хозирги шароитдан келиб чиккан холда иш тутсаларингчи! оша никоблар хозир жуддаям керакликку, кола верса фукороларимизни пул билан иш билан тамилаятган экан, сифат жихатдан бир оз пастдир лекин йокдан кора борку,
Ahadjon Turgunov
Газета уз" ва бошқа сайтларда Чирчиқ шаҳридаги тўйхона тиббий ниқоблар ишлаб чиқарадиган яширин цехга айлантирилгани ва ДСИ томонидан умумий нархи 156 миллион 696 минг сўмлик товар моддий бойликлар олиб қўйилганлиги ҳақида ёзилган. Кейинроқ Солиқ департаменти томонидан жиноят иши қўзғатилганлиги ҳақида ҳам хабар берилди.(Xushnudbek.uz) Савол туғилади, нима кераги бор тадбиркорга ҳалақит беришни? Ахир у ҳозирги кунда жуда муҳим бўлган махсулотни ишлаб чиқаришни йўлга қўйган ҳамда бир неча ўнлаб одамларни иш билан таъминлаган.
Бу ҳолатда қонун бузилиши борми? Қонун бузилиши бор, лекин тузатса бўладиган:
1. Аввало Соғлиқни вақлаш вазирининг 20.03.2020 йилдаги 114 сонли буйруғи билан (Адлия вазирлигида 2020 йил 20 мартда рўйхатдан ўтказилди, рўйхат рақами 2809-1)шу кундан бошлаб бошлаб тиббий ниқобни ишлаб чиқариш, тайёрлаш ҳамда уни реализация қилиш учун лицензия талаб этилмайди. Шунингдек, тиббий ниқоб амалиётда кўллаш учун давлат рўйхатидан ўтказилмайди. Демак тадбиркор лицензиясиз фаолият билан шуғулланмаган
2. Мақоладан кўринишича тадбиркор 02.04.2020 йил куни ишлаб чиқаришни йўлга қўйган, лекин бунинг учун тадбиркорликни рўйхатдан ўтказмаган кўринади. Лекин қонунларга 29.12.2016 й. ЎРҚ-418-сонли қонун билан киритилган ўзгартиришларга кўра Биринчи марта ҳуқуқбузарлик содир этган шахс, агар у ҳуқуқбузарлик аниқланган пайтдан эътиборан ўттиз кун ичида солиқлар ва бошқа мажбурий тўловлар тарзида давлатга етказилган зарарнинг ўрнини ихтиёрий равишда қоплаган, тадбиркорлик субъектининг рўйхатдан ўтказилишини таъминлаган ва зарур бўлган рухсат берувчи ҳужжатларни расмийлаштирган бўлса, ҳуқуқбузарлик нарсаларини мусодара қилмасдан жавобгарликдан озод этилади (МЖтК 176-моддаси 3-қисми, ЖКнинг 188-моддаси 2-қисми)
Демак тадбиркорга 30 кун муддат ичида солиқлар ва бошқа йиғимлар тарзидаги зарарни ихтиёрий қоплаш ва давлат рўйхатидан ўтказишга имкон бериб, зудлик билан ашёларни қайтариб бериш ва тадбиркорлик фаолиятини давом эттиришга имкон яратиш керак.
Тадбиркорни харакатида ЖКнинг 186-3 моддасида кўрсатилган жиноий қилмиш ҳам мавжуд эмас. Чунки Вазирнинг юқоридаги буйруғи билан тиббий ниқоблар тиббий буюмлар рўйхатидан чиқарилган (Соғлиқни вақлаш вазирининг 20.03.2020 йилдаги 114 сонли буйруғи)