2020 йил 1 январдан Ўзбекистонда нархи 40 минг доллардан бошланувчи, ишлаб чиқарилганига 2 йил тўлмаган қимматбаҳо енгил автомобиллар импортидаги имтиёз бекор қилинмоқда. Бу президентнинг 2 октябрдаги қарорида кўзда тутилган (ҳужжат «Газета.uz» таҳририятида мавжуд.
Имтиёз 2019 йилда жорий этилган бўлиб, қимматбаҳо автомобилларга нол фоизлик импорт божхона божи ва 20 фоиз миқдоридаги акциз солиғи қўлланилаётган эди.
2020 йил 1 январдан божхона ставкасини двигатель ҳажмидан келиб чиқиб ҳисоб-китоб қилиш тартиби қайтарилади.
Жорий йилнинг биринчи олти ойида Ўзбекистонга 600 га яқин қимматбаҳо автомобиль ва 20 та электромобиль импорт қилинди. Давлат божхона қўмитаси буни имтиёзлар жорий этилгани билан изоҳлади.
