Божхоначилар томонидан сифати кафолатланмаган дори воситаларининг ноқонуний айланмасига чек қўйилди. Бу ҳақда Давлат божхона қўмитаси матбуот хизмати хабар берди.
Хусусан, Тошкент аэропорти божхоначилари томонидан хориждан учиб келган фуқаро Ф.З. нинг багажи белгиланган тартибда холислар иштирокида божхона кўригидан ўтказилди.
Натижада, унинг юклари ва кийимлари орасида яширилган, божхона декларациясида кўрсатилмаган умумий нархи 109 миллион сўмга тенг бўлган дори воситалари ва тиббиёт буюмлари борлиги аниқланган.
Ҳозирда юқоридаги ҳолат юзасидан текширув ишлари олиб борилмоқда.
