Ўзбекистон Вазирлар Маҳкамасининг 25 майдаги қарори билан Тошкент давлат иқтисодиёт университетининг Самарқанд филиали ташкил этилди, дея хабар қилди Адлия вазирлиги Telegram-каналида.
Филиалнинг асосий вазифаси Германия ва бошқа ривожланган давлатлар билан ҳамкорликда қуйидаги йўналишлар бўйича малакали кадрлар тайёрлаш ҳисобланади:
- «Рақамли иқтисодиёт»;
- «Қишлоқ хўжалиги иқтисодиёти»;
- «Озиқ-овқат ва ресурслар иқтисодиёти»;
- «Агробизнес ва маркетинг»;
- «Бухгалтерия ҳисоби ва аудит».
Филиалга қабул 2019/2020 ўқув йилидан бошланади.
