Ўзбекистонлик профессионал боксчи Шоҳжаҳон Эргашев 9 июнь куни ўзининг профессионал боксдаги ўн еттинчи жангини ўтказиши ҳақида хабар берган эдик. Айни пайтга келиб, Москвада кечадиган мазкур бокс кечасида унга ким рақиблик қилиши аниқланди. Бу ҳақда МОҚ хабар берди.
Маълум бўлишича, Эргашевнинг галдаги рақиби пуэрто-риколик Даниэлито Зоррилла бўлади. Ушбу боксчи шу пайтгача 11 бор рингга кўтарилган ва барчасида ғалаба қозонган. Жангларнинг 9 тасида эса рақибларини нокаутга учратган.
Таъкидлаш жоиз, аввалроқ Шоҳжаҳон америкалик боксчига қарши баҳс олиб бориши ҳақида айтганди. Бироқ келишув амалга ошмагач, ушбу рақиб варианти танланди.
