Туркиянинг Анталия шаҳрида таэквондо WTF бўйича «Turkish Open» рейтинг турнири ниҳоясига етди. Мусобақа ўзбекистонлик спортчилар учун омадли бўлди. Турнир якунларига кўра, ўзбек таэквондочилари умумий ҳисобда 10 та медални қўлга киритишди. Бу ҳақда МОҚ матбуот хизмати хабар берди.
Мусобақада совриндор бўлган ўзбекистонлик спортчилар рўйхати:
Олтин медаль:
-74 кг: Никита Рафалович
-87 кг: Даврон Азимов
-49 кг: Мадина Маннопова
-67 кг: Нигора Турсунқулова
+73 кг: Светлана Осипова
-48 кг: Амирбек Тўраев — (ўсмирлар ўртасида)
Кумуш медаль:
-54 кг: Баҳром Абдуллаев
Бронза медали:
-54 кг: Валентин Хегай
-57 кг: Зария Касимова
-80 кг: Шуҳрат Салаев.
Аввалроқ, Анталиядаги «President's Cup European region» рейтинг турнирида Никита Рафалович (кумуш) ва Валентин Хегай (бронза) шоҳсупага кўтарилгандилар. Ўзбекистонлик спортчилар ортда қолган икки турнир якунига кўра 12 та медалга эга чиқди.
