2017 йилдан буён «Ўзбекнефтгаз» бошқаруви раиси ўринбосари сифатида фаолият кўрсатиб келаётган Одил Шукурович Темиров «Ўзкимёсаноат» бошқаруви раиси этиб тайинланди, дея хабар қилди Ўзбекистон Адлия вазирлиги ўзининг Telegram-каналида.
Одил Темиров (1977 й. т.) Тошкент кимё-технология институтини тамомлаган. 1999 йилдан 2017 йилгача Шўртан газ-кимё мажмуаси тузилмасида турли лавозимларда ишлади ва корхона раҳбаригача бўлган мансабларни эгаллади.
2017 йилдан «Ўзкимёсаноат"га раҳбарлик қилиб келаётган Абдухошим Абдуллаев нафақага чиқиши муносабати билан вазифасидан озод қилинди.
