Ўзбекистон миллий терма жамоаси жорий йилнинг 15−29 декабрь кунлари Туркиянинг Анталия шаҳрида навбатдаги ўқув-машғулот йиғинини ўтказади. Бу ҳақда ЎФА матбуот хизмати хабар берди.
Кеча миллий терма жамоа аъзолари тиббий текширувдан ўтишди. Терма жамоа шифокори Аброр Пирриевнинг маълум қилишича, барча футболчиларнинг соғлиғи жойида. Жароҳати безовта қилаётганлар йўқ.
Бугун Эктор Купер бошчилигидаги миллий терма жамоа аъзолари эрта тонгда Тошкент — Истамбул — Анталия йўналишида Туркияга жўнаб кетишди.
Туркияга йўл олган футболчилар рўйхати:
Дарвозабонлар: Игнатий Нестеров («Локомотив»), Ўткир Юсупов («Қўқон-1912»), Санжар Қувватов («Насаф»), Жавоҳир Илёсов («Металлург»).
Ҳимоячилар: Егор Кримец («Пахтакор»), Анзур Исмоилов («Локомотив»), Достон Турсунов («Нефтчи»), Ислом Тўхтахўжаев («Локомотив»), Олег Зотеев («Локомотив»), Фаррух Сайфиев («Пахтакор»), Акмал Шораҳмедов («Пахтакор»), Даврон Ҳошимов («Навбаҳор»).
Яримҳимоячилар: Одил Ҳамробеков («Насаф»), Одил Аҳмедов («Шанхай СИПГ», Хитой), Отабек Шукуров («Шаржа», БАА), Дилшод Раҳматуллаев («Пахтакор»), Фозил Мусаев («Жубило Ивата», Япония), Жалолиддин Машарипов («Пахтакор»), Азиз Турғунбаев («Навбаҳор»), Достон Ҳамдамов («Анжи», Россия), Жасур Яхшибоев («Пахтакор»), Жавоҳир Сидиқов («Қўқон-1912»), Икром Алибоев («Локомотив»), Элдор Шомуродов («Ростов», Россия).
Ҳужумчилар: Марат Бикмаев («Локомотив»), Сардор Рашидов («Локомотив»),Иван Нагаев («Қизилқум»).
Футболчилар 29 декабрга қадар Туркияда йиғин ўтказиб, кейин Тошкентга қайтиб келишади. 3 кундан кейин эса Осиё кубогида иштирок этиш учун Бирлашган Араб Амирликларига жўнаб кетишади.
